Luka 15:8 - BAIBLO ALOO NGMAMI KLƆUKLƆU Ɔ

⁸ “Aloo waa ngɔ lɛ kaa yo ko ngɛ sika hiɔ yi nyɔngma, nɛ kake laa. Mɛni e maa pee? E maa su kane, nɛ e maa bɛɛ we ɔ mi, nɛ e ma hla sika a fitsofitso hluu kɛ yaa si e maa na.

Somi He Ɔ

⁸ “Aloo te yo nɛ ngɛ sika hiɔ nyɔngma nɛ ke kpɔ kake laa a nɛ e be kane sue nɛ e bɛɛ we ɔ mi nɛ e hla fitsofitso kɛ maa su be nɛ e maa na?

Luka 15:8 ပူးပေါင်းရင်းမြစ်များ

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Mateo 5:15

Jehanɛ se hu, nɔ ko su we kane kɛ ma sowe sisi; mohu e kɛ maa kane tso nɔ, nɛ́ e tso ha nihi tsuo nɛ ngɛ we ɔ mi.

Luka 15:7

I ngɛ nyɛ dee ke, jã nɔuu lɛ bua jɔmi maa ba hiɔwe, ke yayami peelɔ kake tsake e tsui, pe dali nyingmi nɛɛ kɛ nɛɛ kɛ se, nɛ mɛɛ tsui tsakemi he hia we mɛ.

Luka 15:9

Ke e na a, e ma tsɛ e huɛmɛ, kɛ e paka bi, nɛ e ma de mɛ ke, ‘I na ye sika nɛ laa a; nyɛ ha nɛ wa nya!’

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Ni Tsumi 19:19

Kunya tsuli ɔmɛ hu a ti nihi babauu ngɔ a womi ɔmɛ kɛ ba pue si ngɛ ni ɔmɛ tsuo a hɛ mi nɛ a sã. Womihi nɛ a sã a tsuo a jua nɛ a bua nya a peeɔ sika hiɔ akpe nyingmi enuɔ sɔuu.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.