Luka 15:6 - BAIBLO ALOO NGMAMI KLƆUKLƆU Ɔ

⁶ nɛ e kɛ lɛ baa we mi. Lɔ ɔ se ɔ, e tsɛɔ e huɛmɛ, kɛ e paka bi, nɛ e deɔ mɛ ke, ‘I na ye to nɛ laa a; nyɛ ha nɛ wa nya!’

Somi He Ɔ

⁶ nɛ ke e ba we mi ɔ, e tsɛɛ e huɛmɛ kɛ e pakabi kɛ kpee, nɛ e deɔ mɛ ke: “Nyɛɛ kɛ mi nɛ na buajɔmi, ejakaa i na ye to ɔ nɛ laa a.’

Luka 15:6 ပူးပေါင်းရင်းမြစ်များ

La 119:176

I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.

Luka 1:58

E paka bi, kɛ e weku li nu kaa Nyɔmtsɛ ɔ gbaa lɛ babauu, nɛ a ba nɛ a kɛ lɛ ba nya.

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Luka 15:24

Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Luka 15:5

Ke e na lɛ ɔ, e naa bua jɔmi, nɛ e kɛ lɛ fɔɔ e konɔ,

Luka 15:7

I ngɛ nyɛ dee ke, jã nɔuu lɛ bua jɔmi maa ba hiɔwe, ke yayami peelɔ kake tsake e tsui, pe dali nyingmi nɛɛ kɛ nɛɛ kɛ se, nɛ mɛɛ tsui tsakemi he hia we mɛ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 15:3

Asafo ɔ wo mɛ blɔ kɛ ho. Benɛ a gu Foinike kɛ Samaria kɛ yaa a, a sɛɛ ha nihi ngɛ blɔ ɔ nɔ bɔ nɛ ma je li ɔmɛ hu tsake a tsui. Enɛ ɔ ha nɛ nyɛmimɛ ɔmɛ tsuo na bua jɔmi babauu.

Filipibi 1:4

Daa nɛ ɔ, i kɛ bua jɔmi faa kue ha Mawu ngɛ nyɛ tsuo nyɛ he;

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.