Luka 15:5 - BAIBLO ALOO NGMAMI KLƆUKLƆU Ɔ

⁵ Ke e na lɛ ɔ, e naa bua jɔmi, nɛ e kɛ lɛ fɔɔ e konɔ,

Somi He Ɔ

⁵ Nɛ ke e na lɛ ɔ, e woɔ lɛ fɔɔ ekonɔ nɛ e naa bua jɔmi;

Luka 15:5 ပူးပေါင်းရင်းမြစ်များ

Yesaya 62:12

A ma tsɛ nyɛ ke, “Ma klɔuklɔu”, “Ma nɛ Yawɛ kpɔ mɛ.” A ma tsɛ Yerusalem ke, “Ma nɛ a ya hla nɛ a na”, “Ma nɛ Mawu kua we lɛ.”

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Ezekiel 18:23

Bɔ nɛ Nyɔmtsɛ Yawɛ ngɛ bie ji nɛ ɔ nɛ: “Anɛ i naa yayami peelɔ ɔ gbenɔ he bua jɔmi lo?” “Dɛbi, nɔ́ nɛ i suɔ mohu ji kaa e maa kpale kɛ je e blɔ yayami ɔ nɔ, nɛ e yi nɛ na wami.

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Luka 15:4

“Waa ngɔ lɛ kaa nyɛ ti nɔ ko ngɛ to lafa, nɛ́ kake laa a, mɛni e maa pee? E ma si to nyingmi nɛɛ kɛ nɛɛ ɔmɛ ngɛ nga a nɔ, nɛ e ma ya hla nɔ́ nɛ laa a kɛ yaa si e maa na lɛ.

Luka 15:6

nɛ e kɛ lɛ baa we mi. Lɔ ɔ se ɔ, e tsɛɔ e huɛmɛ, kɛ e paka bi, nɛ e deɔ mɛ ke, ‘I na ye to nɛ laa a; nyɛ ha nɛ wa nya!’

Luka 19:9

Yesu de lɛ ke, “Yi wami hemi ba we nɛ ɔ mi mwɔnɛ ɔ; ejakaa nyumu nɛ ɔ hu Abraham nina ji lɛ.

Luka 23:43

Yesu de lɛ ke, “I ngɛ mo si woe kaa mwɔnɛ ɔ, i kɛ mo maa hi Paradeiso.”

Yohane 15:11

“I de nyɛ ní nɛ ɔmɛ tsuo, konɛ kaa bɔ nɛ bua jɔmi ngɛ ye mi ɔ, nyɛ hu nyɛ na bua jɔmi babauu.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 3:7

Mawu dloo mi nike ní pɔtɛɛ ko kaa sane kpakpa a fiɛlɔ, nɛ ma kɛ sɔmɔ lɛ. E he wami ɔ nɛ e kɛ tsu nɔ́ nɛ ɔ.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

2 Timoteo 2:26

Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.