Luka 15:4 - BAIBLO ALOO NGMAMI KLƆUKLƆU Ɔ

⁴ “Waa ngɔ lɛ kaa nyɛ ti nɔ ko ngɛ to lafa, nɛ́ kake laa a, mɛni e maa pee? E ma si to nyingmi nɛɛ kɛ nɛɛ ɔmɛ ngɛ nga a nɔ, nɛ e ma ya hla nɔ́ nɛ laa a kɛ yaa si e maa na lɛ.

Somi He Ɔ

⁴ “Nyɛ ti mɛnɔ nɛ ke e ngɛ to lafa nɛ a kpɛti kake laa a, e be nyingmi nɛɛ kɛ nɛɛ ɔ sie ngɛ nga a nɔ nɛ e ya hla nɔ́ nɛ laa a kɛ maa su benɛ e maa na lɛ?

Luka 15:4 ပူးပေါင်းရင်းမြစ်များ

La 119:176

I ngɛ lalaalo woe kaa to nɛ laa; mo hla imi, o tsɔlɔ ɔ koo! Ejakaa i je we ye hɛ ngɛ o mlaa amɛ a nɔ.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yeremia 33:13

Ngɛ yo nɔ ma amɛ, kɛ nga nɔ ma amɛ a mi, kɛ Yuda leneyi je, Benyamin zugba a nɔ, Yerusalem kɔpe ɔmɛ, kɛ Yuda ma amɛ a mi ɔ, to hyɛli maa kane a tohi ekohu. Imi, Yawɛ lɛ i de.”

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

Ezekiel 34:4

Ní nɛmɛ nɛ gbɔjɔ ɔ, nyɛ hyɛ we a nɔ bɔ nɛ sa; hiɔtsɛmɛ ɔmɛ ɔ, nyɛ tsa we mɛ; ní nɛmɛ nɛ plaa a, nyɛ fi we pa amɛ a nɔ ha mɛ; ní nɛmɛ nɛ tla blɔ ɔ, nyɛ ya kpakaa we mɛ; nɛ ní nɛmɛ nɛ laa a, nyɛ ya hla we mɛ. Se yi mi mohu nyɛ waa mɛ.

Ezekiel 34:8

Imi Nyɔmtsɛ Yawɛ, i ngɛ ye he kita kae, lɔ ɔ he ɔ, nyɛ ta tue. Nga mi lohwe awi yeli nuu ye to ɔmɛ, a gbe mɛ nɛ a ye nyamanyama, ejakaa to hyɛlɔ ko be; ye to hyɛli ɔmɛ dí to ɔmɛ a se. To hyɛli ɔmɛ ngɛ mɛ nitsɛmɛ a he lɛe; a hyɛ we to ɔmɛ a nɔ.

Mateo 12:11

Yesu he nɔ ke, “Waa ngɔ lɛ kaa nyɛ ti nɔ ko ngɛ to kake pɛ, nɛ to ɔ ya nɔ muɔ mi Hejɔɔmi ligbi ɔ. Anɛ e be to ɔ he pɛtɛe nɛ e je lɛ lo?

Luka 13:15

Nyɔmtsɛ ɔ de lɛ ke, “Osatotsɛmɛ! Nyɛ ti mɛnɔ pɛne we e na, loo e teji Hejɔɔmi ligbi ɔ, nɛ e kɛ lɛ ji kpo ya ha we lɛ nyu?

Luka 15:3

Lɔ ɔ he ɔ, Yesu kɛ mɛ tu munyu ngɛ abɛ gbi mi ke,

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.