Luka 15:27 - BAIBLO ALOO NGMAMI KLƆUKLƆU Ɔ

²⁷ E he nɔ ke, ‘O nyɛmi ɔ ba, nɛ o tsɛ gbe na bi nɛ wo zɔ ɔ; ejakaa e bi ɔ kpale kɛ ba we fiafiaafia.’

Somi He Ɔ

²⁷ Nɛ e de lɛ ke: ‘O nyɛmi ɔ ba, nɛ o tsɛ gbe na bi nɛ tu zɔ ɔ ejakaa e su e dɛ mi kpɛii nɛ nɔ́ ko nɔ́ ko be e he.’

Luka 15:27 ပူးပေါင်းရင်းမြစ်များ

Mateo 22:4

E kpale tsɔ ni kpahi ke a ya de nihi nɛ a kpee ɔ ke, ‘I gbe niye ní ɔ nya. A gbe na, kɛ lohwe kpakpahi nɛ wo zɔ; a gbe nɔ́ tsuaa nɔ́ nya. Nyɛɛ ba yo kpeemi okplɔɔ ɔ he koo!’

Luka 15:26

Lɔ ɔ he ɔ, e tsɛ sɔmɔli ɔmɛ a ti nɔ kake kɛ ba se, nɛ e bi lɛ ke, ‘Mɛni a ngɛ pee ngɛ we ɔ mi?’

Luka 15:28

“Bi nɔkɔtɔma a mi mi fu wawɛɛ, nɛ e kua we ɔ mi sɛmi. Lɔ ɔ he ɔ, e tsɛ ɔ je kpo nɛ e ba de lɛ ke, ‘Ye bi, i kpa mo pɛɛ, moo ba kɛkɛ.’

Luka 15:30

Se o bi nɛ ɔ ya nyɛɛ yi yaholi a se, nɛ e kɛ kpata o weto ní tsuo hɛ mi. Mwɔnɛ ɔ nɛ e kpale kɛ ba a, tse o gbe na bi nɛ wo zɔ ɔ ngɔ ha lɛ!’

Ni Tsumi 22:13

Lɛ nɛ e ba ye ngɔ, nɛ e ba da ye kasa nya, nɛ e de mi ke, ‘Ye nyɛminyumu Saulo, hyɛ nɔ́!’ Jamɛ a ngmlɛfia a nɔuu ɔ, i bɔni nɔ́ hyɛmi ekohu, nɛ i na lɛ.

Ni Tsumi 9:17

Lɔ ɔ he ɔ, Anania pue nɔ kɛ ho we mi he nɛ Saulo ngɛ ɔ ya. E kɛ e nine ya pue e nɔ, nɛ e de lɛ ke, “Ye nyɛmi Saulo, Nyɔmtsɛ ɔ tsɔ mi o ngɔ. Lɛ ji Yesu nɛ je e he kpo tsɔɔ mo benɛ o ma ngɛ blɔ ɔ nɔ ɔ nɛ. E tsɔ mi, konɛ ma ba ha nɛ o hyɛ nɔ́ ekohu, nɛ́ o na Mumi Klɔuklɔu ɔ.”

Filemon 1:16

Jehanɛ ɔ, e pi nɔ ko nɛ a maa bu lɛ nyɔguɛ hu, se mohu nɔ nɛ pe nyɔguɛ. O nyɛmi saminya ji lɛ ngɛ Kristo mi nɛ imi po i fiɛ we e he, hluu nɛ mo nɛ he lo mi jio, Nyɔmtsɛ ɔ mi jio, o nɔ ji lɛ kulaa a.

Samuel I, 28:24

Yo ɔ ngɛ na bi ko nɛ wo zɔ ngɛ we ɔ mi. Lɔ ɔ he ɔ, e pee esɔ nɛ e ya gbe lɛ. E pɔtɔ mamu nɛ e kɛ sã abolo kplolo,