Luka 15:24 - BAIBLO ALOO NGMAMI KLƆUKLƆU Ɔ

²⁴ Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Somi He Ɔ

²⁴ ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.

Luka 15:24 ပူးပေါင်းရင်းမြစ်များ

Mose I, 45:28

Yakob de ke, “Ye bi Yosef ngɛ je mi kɛ mwɔɔ! Enɛ ɔ kɛkɛ hiɛ ha mi! Ma ya nɛ ma ya na e hɛ mi loko ma gbo.”

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 66:11

E ní nɛ e na a, nyɛ maa ye eko, nɛ nyɛ bua maa jɔ kaa bimwɔyo ngɛ e nyɛ nyɔ nya!

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Ezekiel 34:4

Ní nɛmɛ nɛ gbɔjɔ ɔ, nyɛ hyɛ we a nɔ bɔ nɛ sa; hiɔtsɛmɛ ɔmɛ ɔ, nyɛ tsa we mɛ; ní nɛmɛ nɛ plaa a, nyɛ fi we pa amɛ a nɔ ha mɛ; ní nɛmɛ nɛ tla blɔ ɔ, nyɛ ya kpakaa we mɛ; nɛ ní nɛmɛ nɛ laa a, nyɛ ya hla we mɛ. Se yi mi mohu nyɛ waa mɛ.

Mateo 8:22

Se Yesu de lɛ ke, “Ba nyɛɛ ye se! Ha nɛ ni gbogboe ɔmɛ nɛ a pu mɛ nitsɛmɛ a ni gbogboehi.”

Marko 8:22

Jehanɛ Yesu kɛ e kaseli ɔmɛ ba Betsaida; nɛ ni komɛ kɛ hɛ yuyuilɔ ko ba e ngɔ, nɛ a kpa lɛ pɛɛ konɛ e ta e he.

Luka 10:19

Nyɛɛ bu tue! I ha nyɛ he wami nɛ nyɛɛ kɛ maa naa sinɔhi, kɛ nyingmogblakotohi a nɔ. Nyɛ maa ye he nyɛlɔ ɔ he wami ɔ tsuo nɔ, nɛ nɔ́ ko nɔ́ ko be nyɛ pee.

Luka 15:23

Nyɛ ya ngɔ na bi nɛ wo zɔ ɔ kɛ ba nɛ nyɛ ba gbe nɛ waa ye ní, nɛ wa na bua jɔmi.

Luka 15:25

“Be nɛ ɔ mi tsuo e bi nɔkɔtɔma a ngɛ ngmɔ mi. Benɛ e kpale kɛ ma, nɛ e su we ɔ mi ta a, e nu nɛ a ngɛ lae, nɛ a ngɛ do fiɛe.

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Luka 15:4

“Waa ngɔ lɛ kaa nyɛ ti nɔ ko ngɛ to lafa, nɛ́ kake laa a, mɛni e maa pee? E ma si to nyingmi nɛɛ kɛ nɛɛ ɔmɛ ngɛ nga a nɔ, nɛ e ma ya hla nɔ́ nɛ laa a kɛ yaa si e maa na lɛ.

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Efesobi 2:1

Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

Efesobi 2:5

Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.