Luka 15:20 - BAIBLO ALOO NGMAMI KLƆUKLƆU Ɔ

²⁰ Kɛkɛ nɛ e te si, nɛ e pue nɔ kɛ yaa e tsɛ ɔ ngɔ. “Se benɛ e nyɛɛ tsitsaa lokoo kɛ ma a, e tsɛ ɔ na lɛ, nɛ e ní pee lɛ mɔbɔ, nɛ e sa fo kɛ ho ya fua lɛ, nɛ e fiɔ e nya he.

Somi He Ɔ

²⁰ Nɛ e te si nɛ e pue nɔ kɛ ba e tsɛ ngɔ. “Se benɛ e nyɛɛ tsitsa lokoo kɛ ma a, e tsɛ na lɛ, nɛ e muklii mi sa lɛ, nɛ e sa fo kɛ ho ya fua lɛ nɛ e fiɔ e nya he.

Luka 15:20 ပူးပေါင်းရင်းမြစ်များ

Mose I, 33:4

Se Esau tu fo ba kpee Yakob nɛ e fua lɛ atuu. E kɛ e nine fɔ e kuɛ mi, nɛ e fiɔ e nya he, nɛ a fo ya.

Mose I, 45:14

Yosef kɛ e nine kpla e senɔ Benyamin kuɛ, nɛ e fo ya. Benyamin hu pee ja nɔuu, nɛ lɛ hu e wo ya ngɔ pue e wetsɛ ɔ nɔ.

Mose I, 46:29

Yosef hi e zugba ta lɛ ɔ mi, nɛ e ho konɛ e ya kpee e tsɛ ngɛ Goshen. Benɛ a kpe hɛ mi kɛ hɛ mi ɔ, Yosef kɛ e nine kpla e tsɛ kuɛ mi, nɛ e fo ya ngɔ pue e nɔ hluu.

Samuel II, 14:33

Lɔ ɔ he ɔ, Yoab ya matsɛ ɔ ngɔ nɛ e ya bɔ lɛ amaniɛ. Matsɛ ɔ tsɔ ya tsɛ Absalom; nɛ benɛ e ba a, e kpla si ngɛ matsɛ ɔ hɛ mi, nɛ e kɛ e hɛ mi bu si. Nɛ matsɛ ɔ fua lɛ atuu.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.

Yesaya 57:18

“I na níhi nɛ a ngɛ pee ɔ, se ma tsa mɛ. Ma tsɔɔ mɛ blɔ, nɛ ma piɛ a he; nɛ ma wo kɔmɔ yeli ɔmɛ bua!

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Luka 15:19

nɛ i sɛ kaa a tsɛɔ mi o bi hu; ngɔɔ mi kɛ pee o we apaatsɛmɛ ɔmɛ a ti nɔ kake.’

Luka 15:21

E bi ɔ de lɛ ke, ‘Tsaatsɛ, i pee yayami kɛ si Mawu, nɛ mo hu i pee mo yayami, nɛ i sɛ kaa a tsɛɔ mi o bi hu.’

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Ni Tsumi 20:37

Mɛ tsuo a wo yana, benɛ a ngɛ Paulo fuae kɛ ngɛ e nya he fiɔe ɔ.

Efesobi 2:13

Sa a, nyɛɛ kɛ Mawu nyɛ kpɛti kɛ wawɛɛ nitsɛ. Se jehanɛ ɔ nɛ kɛ gu Kristo muɔ ɔ nɔ ɔ, nyɛ ba ngɛ Kristo Yesu mi ɔ, a kpale nyɛ kɛ ba Mawu kasa nya haa. Gbenɔ nɛ Kristo gbo, nɛ e ngɔ e he ngɔ sã bɔ ɔ, lɔ ɔ lɛ tsu enɛ ɔ.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.