Luka 15:18 - BAIBLO ALOO NGMAMI KLƆUKLƆU Ɔ

¹⁸ Ma te si, nɛ ma ya tsaatsɛ ngɔ, nɛ ma ya de lɛ ke, Tsaatsɛ, i pee yayami kɛ si Mawu, nɛ mo hu i pee mo yayami,

Somi He Ɔ

¹⁸ Ma te si nɛ ma ya tsaatsɛ ngɔ nɛ ma ya de lɛ ke: “Tsaatsɛ, i pee yayami si Mawu kɛ mo,

Luka 15:18 ပူးပေါင်းရင်းမြစ်များ

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

Abɛ Womi 23:13

Ke e hia kaa a tsɔse jokuɛ ɔ, tsɔse lɛ; ejakaa ke o fia lɛ kpa a, e be gboe.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Kɔmɔ Yemi 3:29

Waa ba wa he si, ejakaa ke wa pee ja a, e be yaka pee.

Kɔmɔ Yemi 3:40

Nyɛ ha nɛ waa hyɛ wa je mi bami mi saminya, nɛ waa kpale kɛ ba Yawɛ ngɔ.

Daniel 4:26

Mawu bɔfo ɔ fa ke a si tso kpoku ɔ ngɛ zu ɔ mi. Nɔ́ nɛ ɔ tsɔɔ kaa ke o kplɛɛ kaa Mawu lɛ yeɔ je ɔ tsuo nɔ ɔ, o ma ba ye matsɛ ekohu.

Yona 2:4

E pee mi kaa nɔ́ nɛ a je mi we nɛ i be o sɔlemi we klɔuklɔu ɔ nae hu.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Mateo 6:14

“Ke nyɛɛ kɛ nihi a tɔmihi pa mɛ ɔ, nyɛ Tsɛ nɛ ngɛ hiɔwe ɔ kɛ nyɛ hu nyɛ tɔmihi maa pa nyɛ.

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Luka 11:2

Yesu de mɛ ke, “Ke nyɛ ngɛ sɔlee ɔ, nyɛ de ke, ‘Wa Tsɛ, O biɛ ɔ he nɛ tsɔ; O matsɛ yemi ɔ nɛ ba.

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 15:19

nɛ i sɛ kaa a tsɛɔ mi o bi hu; ngɔɔ mi kɛ pee o we apaatsɛmɛ ɔmɛ a ti nɔ kake.’

Luka 15:21

E bi ɔ de lɛ ke, ‘Tsaatsɛ, i pee yayami kɛ si Mawu, nɛ mo hu i pee mo yayami, nɛ i sɛ kaa a tsɛɔ mi o bi hu.’

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’