Luka 15:17 - BAIBLO ALOO NGMAMI KLƆUKLƆU Ɔ

¹⁷ Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Somi He Ɔ

¹⁷ Nɛ benɛ e hɛ mi tsɔ lɛ ɔ, e ke: ‘Yaa hyɛ tsaatsɛ apaatsɛmɛ abɔ sɔuu nɛ ngɛ niyeni babauu nɛ a pee we he nɔ ko, nɛ imi lɛɛ hwɔ gɛ mi gbee ngɛ hiɛ ɔ nɛ ɔ.

Luka 15:17 ပူးပေါင်းရင်းမြစ်များ

Ezekiel 18:28

Ejakaa jamɛatsɛ ɔ pia e he, nɛ e kpale kɛ je e tɔmi ɔmɛ a mi; niinɛ, e yi ma na wami, e be gboe.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Yeremia 31:19

Jinɛ wa je o se, se wa pia wa he, nɛ wa tsake wa tsui. Benɛ o gbla wa tue se ɔ, wa ywilɛ ho wa he. Zo gbe wɔ kpɔtɔɔ; ejakaa wa pee yayamihi babauu ngɛ wa nihe mi.’

Ni Tsumi 2:37

Benɛ ni ɔmɛ nu munyu nɛ ɔ, e hao mɛ wawɛɛ, nɛ a bi Petro kɛ bɔfo kpa amɛ nɛ piɛ e he ɔ ke, “Wa nyɛmimɛ, kɛ wa maa pee kɛɛ?”

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Kɔmɔ Yemi 1:7

Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

La 73:20

A ngɛ kaa nlami nɛ nɔ ko nla; mɔtu kɛkɛ e se po. Nyɔmtsɛ, ke o te si ɔ, a maa laa.

La 119:59

I susu ye je mi bami he, nɛ i ngɛ si woe ke ma ye o mlaa amɛ a nɔ.

Hosea 2:7

E ma ya hla e pla amɛ a se blɔ, se e nine be a nɔ sue. E ma hla mɛ hluu, se e be mɛ nae. Kɛkɛ ɔ, e ma de ke, “Ma kpale kɛ ya ye huno momo ɔ ngɔ. Benɛ i kɛ lɛ ngɛ ɔ, níhi a mi hi ha mi kulaa pe piɔ.”

Luka 15:16

E ná yɔ nɛ a haa kpotoo ɔmɛ ɔ eko nɛ e ye jinɛ e ko suɔ; se nɔ ko nɔ ko ha we lɛ.

Ni Tsumi 12:11

Jehanɛ Petro hɛ mi pee lɛ paa, nɛ e de ke, “Kpaako i na le! Nyɔmtsɛ ɔ tsɔ e bɔfo ɔ kɛ ba, nɛ e ba je mi kɛ je Herode dɛ mi, kɛ je níhi nɛ Yuda bi ɔmɛ to kaa a maa pee mi ɔ a mi.”