Luka 15:13 - BAIBLO ALOO NGMAMI KLƆUKLƆU Ɔ

¹³ Be bɔɔ se ɔ, jokuɛyo ɔ jua e blɔ fami nɔ́ ɔ tsuo, nɛ e kɛ sika a doma kɛ ho ma se he ko lokoo ya. Lejɛ ɔ e kɛ je mi bami yaya ya kpata e sika a hɛ mi ngɛ.

Somi He Ɔ

¹³ Nɛ lɔ ɔ se ɔ, e sui be ko kɛkɛ nɛ jokuɛ ɔ bua kulaa nya, nɛ e doma kɛ ho he ko lokoo ya, nɛ Hejɛ ɔ ekɛ je mi bami sakasaka ya kpata e ni ɔmɛ a hɛ mi ngɛ.

Luka 15:13 ပူးပေါင်းရင်းမြစ်များ

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Abɛ Womi 29:3

Bi nɛ nyaa nile he ɔ, e haa e fɔli bua jɔmi; se nɔ nɛ kɛ yaholi ya bɔɔ ɔ, e kpataa e weto ní hɛ mi.

Abɛ Womi 21:17

Nɔ nɛ suɔ fiɛmi maa ye ohia; nɔ nɛ dã, kɛ he dlami e suɔ ɔ, e be ní nae.

Abɛ Womi 28:7

Bi nɛ yeɔ mlaa nɔ ɔ, ní lelɔ ji lɛ. Se nɔ nɛ kɛ jiklɔɔtsɛmɛ bɔɔ ɔ, lɛɛ e woɔ e fɔli zo.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Luka 16:1

Yesu de e kaseli ɔmɛ ke, “Nyumu niatsɛ ko hi si, nɛ e ngɛ tsɔlɔ nɔkɔtɔma nɛ hyɛɛ e níhi a nɔ ha lɛ. Be ko ɔ, a ba po tsɔlɔ nɛ ɔ nya ngɔ ha niatsɛ ɔ ke e ngɛ e ní ɔmɛ a hɛ mi kpatae.

Luka 15:30

Se o bi nɛ ɔ ya nyɛɛ yi yaholi a se, nɛ e kɛ kpata o weto ní tsuo hɛ mi. Mwɔnɛ ɔ nɛ e kpale kɛ ba a, tse o gbe na bi nɛ wo zɔ ɔ ngɔ ha lɛ!’

Mika 6:3

Yawɛ ke, “Ye ma, mɛni i pee nyɛ? Anɛ i ha nɛ pɔ tɔ nyɛ lo? Nyɛ ha mi heto.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

Yesaya 22:13

se nyɛ pee we ja; nyɛ muɔ nɛ nyɛ nya mohu. Nyɛ gbe to kɛ na nɛ nyɛ ye ní, nɛ nyɛ nu ní. Bɔ nɛ nyɛ de ji, “Nyɛ ha nɛ waa ye ní nɛ waa nu ní, ejakaa hwɔɔ pɛ wa ma gbo!”

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Abɛ Womi 27:8

Nyumu nɛ jeɔ e we mi nɛ e ya hii kpae ɔ, e ngɛ kaa lohwe pɛlitsɛ nɛ e tsu nya blɔ laa lɛ.

Abɛ Womi 21:20

Ní lelɔ buaa níhi nɛ a he jua wa nya ngɔ toɔ; kuasia lɛɛ e kpataa ní ɔmɛ a hɛ mi mohu.

Abɛ Womi 18:9

Hejɔtsɛ kɛ nɔ́ puɛlɔ ɔ, nyɛmimɛ ji mɛ.

Abɛ Womi 6:26

Nyumu ma nyɛ ma ya su yo yaholɔ, nɛ e ma ha lɛ abolo bɔbɔyoo ko kɛkɛ. Se ke e ya ta yogbayo he ɔ, lɛɛ pe e hɛ mi kpata pɛsɛpɛsɛ ji lɔ ɔ nɛ.

La 73:27

Nihi nɛ kua mo ɔ, a hɛ mi ma kpata. Ni nɛmɛ nɛ yi mo anɔkuale ɔ, o ma kpata mɛ tsuo a hɛ mi.

2 Petro 2:13

nɛ ní yayamihi nɛ a pee ɔ, a maa na nɔ́ kɛ to nya. Piani ke a ngɛ yakayaka fiɛmihi fiɛe kikɛ nɛ ɔ, kɛkɛ a bua jɔ; zotsɛmɛ kɛ ahluatsɛmɛ ji mɛ. Benɛ a futu nyɛ kɛ ngɛ ní yee ɔ, jamɛ a be ɔ tsuo a ngɛ a yakayaka nyɛɛmi ɔmɛ nyɛɛe.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.

Efesobi 2:13

Sa a, nyɛɛ kɛ Mawu nyɛ kpɛti kɛ wawɛɛ nitsɛ. Se jehanɛ ɔ nɛ kɛ gu Kristo muɔ ɔ nɔ ɔ, nyɛ ba ngɛ Kristo Yesu mi ɔ, a kpale nyɛ kɛ ba Mawu kasa nya haa. Gbenɔ nɛ Kristo gbo, nɛ e ngɔ e he ngɔ sã bɔ ɔ, lɔ ɔ lɛ tsu enɛ ɔ.

Luka 15:12

Jokuɛyo ɔ de lɛ ke, ‘Tsaatsɛ, gbosi ní nɛ wa ma na hwɔɔ se ɔ, ha mi ye blɔ fa mi nɔ́ nyɔngloo.’ Nɛ nyumu ɔ dla e ní ɔmɛ a mi ngɔ ha e binyumu enyɔ ɔmɛ.

Luka 15:14

Benɛ e dɛ mi ba ta a, hwɔ nɛ nya wa ba te si ngɛ jamɛ a zugba a nɔ, nɛ e miɔ nɛ e ma gbo kɛ hwɔ.