Luka 14:32 - BAIBLO ALOO NGMAMI KLƆUKLƆU Ɔ

³² Ke e na kaa e be nyɛe ɔ, be mi nɛ matsɛ kake ɔ ngɛ tsitsaa lokoo kɛ ma a, e maa tsɔ nihi ya kpee lɛ. A kɛ lɛ maa sɛɛ ní, konɛ tue mi jɔmi nɛ ba.”

Somi He Ɔ

³² Ke pi ja a, benɛ matsɛ kake ɔ nyɛɛ tsitsa lokoo kɛ ma a, e maa tsɔ tsɔli kɛ ya e ngɔ ya kpa kpatami he pɛɛ.

Luka 14:32 ပူးပေါင်းရင်းမြစ်များ

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Mateo 5:42

Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Luka 12:58

Ke nɔ ko po o nya, nɛ e ngɔ mo kɛ yaa kojomi he ɔ, bɔɔ mɔde nɛ o kɛ lɛ nɛ kpata ngɛ blɔ ɔ nɔ. Ke pi ja a, e maa sã mo ya ha kojolɔ ɔ, nɛ kojolɔ ɔ hu maa ngɔ mo ha polisi ɔ, nɛ a maa wo mo tsu.

Luka 14:31

“Ke matsɛ ko, kɛ e ta buli akpe nyɔngma yaa nɛ e kɛ matsɛ kpa, kɛ lɛ hu e ta buli akpe nyingmi enyɔ ya hwu ta a, bɔ nɛ e maa pee ji nɛ ɔ nɛ. Kekleekle ɔ, e maa hi si, nɛ e ma susu e yi mi nɛ e hyɛ kaa e ma nyɛ nɛ e kɛ matsɛ kpa a nɛ hwu lo.

Luka 14:33

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Ni Tsumi 12:20

Herode mi mi fu Tiro, kɛ Sidon bi ɔmɛ wawɛɛ. Lɔ ɔ he ɔ, a bua a he nya, nɛ a ba na lɛ ngɛ Kaisarea. Benɛ a ba a, a ba na Blasto, tsɔlɔ nɛ hyɛɛ matsɛ we ɔ nɔ ɔ, nɛ a kpa lɛ pɛɛ ke e nyɛɛ a hɛ mi kɛ ya matsɛ ɔ ngɔ. Nɛ a ya na Herode, nɛ a kɛ lɛ kpata, ejakaa matsɛ ɔ zugba nɔ ní a yeɔ.