Luka 14:31 - BAIBLO ALOO NGMAMI KLƆUKLƆU Ɔ

³¹ “Ke matsɛ ko, kɛ e ta buli akpe nyɔngma yaa nɛ e kɛ matsɛ kpa, kɛ lɛ hu e ta buli akpe nyingmi enyɔ ya hwu ta a, bɔ nɛ e maa pee ji nɛ ɔ nɛ. Kekleekle ɔ, e maa hi si, nɛ e ma susu e yi mi nɛ e hyɛ kaa e ma nyɛ nɛ e kɛ matsɛ kpa a nɛ hwu lo.

Somi He Ɔ

³¹ Aloo te matsɛ nɛ ke e kɛ matsɛ kpa ko yaa hwu ta a nɛ e be si hie nɛ e susu he nɛ e hyɛ kaa nɔ nɛ hɛɛ nimli akpɛ nyingmi enyɔ kɛ ma e nɔ nɛ ɔ ɔ, e ma nyɛ nɛ e kɛ lɛ ya kpe kɛ nimli akpe nyɔma lo?

Luka 14:31 ပူးပေါင်းရင်းမြစ်များ

Matsɛmɛ I, 20:11

Israel matsɛ, Ahab he nɔ ke, “Nyɛ ya de Matsɛ Benhadad ke, ta bulɔ kpakpa a, ta nyagbe e fĩaa ngɛ, se pi ta sisije.”

Hiob 41:8

Moo ta e he si kake nɛ o hyɛ, nɛ e be mo jloe kaa o ta e he si enyɔne; o hɛ be nɔ jee gblegbleegble.

Abɛ Womi 20:18

Ke o maa pee nɔ́ ko ɔ, bi ga womi, kɛkɛ e maa hi ha mo. Too ga kpakpa loko o ya hwu ta.

Abɛ Womi 25:8

Nɔ bi nya sɔɛ ngɛ sane yemi he kɛ de nɔ́ nɛ e na. Ke o nya sɔ kɛ tu munyu, nɛ nyagbe ɔ, o nyɛmi ba pue o hɛ mi si ɔ, kɛ o maa pee kɛɛ?

Luka 14:30

A ma de ke, ‘Nyumu nɛ ɔ je mɔ mami sisi, se e nyɛ we nɛ e gbe nya.’

Luka 14:32

Ke e na kaa e be nyɛe ɔ, be mi nɛ matsɛ kake ɔ ngɛ tsitsaa lokoo kɛ ma a, e maa tsɔ nihi ya kpee lɛ. A kɛ lɛ maa sɛɛ ní, konɛ tue mi jɔmi nɛ ba.”