Luka 14:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Yesu wo e nya nɔ nɛ e bi mlaa tsɔɔli ɔmɛ, kɛ Farisi bi ɔmɛ ke, “Anɛ wa mlaa a ngmɛɛ blɔ kaa a tsa nɔ Hejɔɔmi ligbi ɔ lo?”

Somi He Ɔ

³ Nɛ Yesu de mlaa tsɔɔli ɔmɛ kɛ Farisifo ɔmɛ ke: “Anɛ e da blɔ kaa a tsaa nɔ ngɛ Hejɔɔmi Ligbi ɔ nɔ lo?”

Luka 14:3 ပူးပေါင်းရင်းမြစ်များ

Mateo 12:10

nɛ e na nyumu ko nɛ e nine kake gbo. Ni komɛ ngɛ lejɛ ɔ nɛ a ngɛ hlae nɛ a po Yesu nya kaa e ngɛ nɔ́ nɛ dɛ blɔ pee. Lɔ ɔ he ɔ, a bi lɛ ke, “Ke a tsa nɔ Hejɔɔmi ligbi ɔ, anɛ a tɔ mlaa a lo?”

Mateo 12:2

Benɛ Farisi bi ɔmɛ na a, a de Yesu ke, “Hyɛ, nɔ́ nɛ o kaseli ɔmɛ ngɛ pee nɛ ɔ, mlaa a ngmɛ́ blɔ kaa a peeɔ Hejɔɔmi ligbi ɔ.”

Mateo 22:35

A ti nɔ kake nɛ ji mlaa tsɔɔlɔ ɔ bi lɛ munyu nɛ e kɛ ka lɛ. E bi lɛ ke,

Marko 3:4

Kɛkɛ nɛ e bi ni ɔmɛ ke, “Anɛ e da kaa a peeɔ kpakpa, loo a peeɔ yayami Hejɔɔmi ligbi ɔ; e da kaa a heɔ nɔmlɔ yi wami, aloo a gbee lɛ?” Se mɛɛ lɛɛ a pɛ̃ nya mi.

Luka 14:2

Nyumu ko nɛ e ninehi kɛ e nanehi fu ba Yesu ngɔ.

Luka 14:4

Se a pui e nya mi. Kɛkɛ nɛ Yesu pɛtɛ nyumu ɔ he, nɛ e tsa lɛ, nɛ e ha nɛ e ho.

Luka 6:9

Kɛkɛ nɛ Yesu de mɛ ke, “Ma bi nyɛ nɔ́ ko. Mɛni wa mlaa a ngmɛɔ blɔ kaa waa pee Hejɔɔmi ligbi ɔ? A pee kpakpa, loo yayami? A he nɔ yi wami, aloo á kpata nɔ hɛ mi?”

Yohane 7:23

Ke Hejɔɔmi ligbi ɔ, nyɛ poɔ nɔ, konɛ a ko tɔ Mose mlaa a, mɛni he je nyɛ mi mi fuɔ mi kaa i tsa hiɔtsɛ Hejɔɔmi ligbi ɔ?