Luka 14:26 - BAIBLO ALOO NGMAMI KLƆUKLƆU Ɔ

²⁶ “Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Somi He Ɔ

²⁶ “Ke nɔ ko ma ye ngɔ nɛ e nyɛ́ e tsɛ kɛ e nyɛ kɛ e yo kɛ e bimɛ kɛ e nyɛmimɛ nyumuhi kɛ lɛ nitsɛ e klaa hu tete ɔ, e be nyɛe ye kaselɔ peemi.

Luka 14:26 ပူးပေါင်းရင်းမြစ်များ

La 139:22

Dɛbi, i sume mɛ saasaa; i buɔ mɛ ye he nyɛli.

Mose IV, 10:30

Se Hobab de lɛ ke, “Dɛbi; i be yae; ma kpale kɛ ya imi nitsɛ ye ma mi, kɛ imi nitsɛ ye nyɛmimɛ a ngɔ mohu.”

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Luka 14:20

Nɔ kpa hu je e nya ke, ‘I kpee yo, nɛ lɔ ɔ he ɔ, i be nyɛe ma ya.’

Luka 14:25

Ligbi ko benɛ Yesu kɛ nihi babauu ngɛ nyɛɛe ɔ, e plɛ nɛ e de mɛ ke,

Yohane 12:25

Nɔ nɛ suɔ e wami ɔ, e wami ɔ maa laa lɛ; se nɔ nɛ ngɔɔ e wami ngɔ haa ngɛ je nɛ ɔ mi ɔ, e maa to e wami ɔ kɛ maa ya neneene.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Romabi 9:13

Ngmami ɔ deɔ ke, “I je suɔmi kpo kɛ tsɔɔ Yakob, se Esau lɛɛ i nyɛ lɛ.”

Mose V, 21:15

“Waa ngɔ lɛ kaa nyumu ko ngɛ yihi enyɔ, nɛ e suɔ nɔ kake saminya, se e sume nɔ kake sane tsɔ, nɛ e kɛ mɛ ni enyɔ ɔmɛ tsuo fɔ binyumuhi, se yo ɔ nɛ e sume lɛ tsɔ ɔ bi ji bi nɔkɔtɔma.

Mose V, 33:9

A ngmɛɛ we o he, se mohu a kua a fɔli, kɛ a nyɛminyumu ɔmɛ, kɛ a bimɛ. A bu o gbi tue, nɛ a ye o somi ɔ nɔ.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.