Luka 14:21 - BAIBLO ALOO NGMAMI KLƆUKLƆU Ɔ

²¹ Tsɔlɔ ɔ kpale e se, nɛ e ya bɔ e nyɔmtsɛ ɔ amaniɛ. Wetsɛ ɔ mi mi fu wawɛɛ, nɛ e de tsɔlɔ ɔ ke, ‘Jee kpo esɔ kɛ ya gbɛjegbɛ ɔmɛ a nɔ, kɛ blohu ɔmɛ a mi ngɛ ma a mi, nɛ o ya ngɔ ohiatsɛmɛ, glɔtsɛmɛ, hɛ yuyuili, kɛ pɔ̃tsɛmɛ kɛ ba hiɛ ɔ.’

Somi He Ɔ

²¹ Nɛ kikɛmɛ a tsɔlɔ nɛ ɔ ba nɛ e ba jaje ni nɛ ɔmɛ kulaa ngɔ tsɔɔ e nyɔmtsɛ ɔ. Kɛkɛ nɛ we tsɛ ɔ muklii mi fu, nɛ e de tsɔlɔ ɔ ke: ‘Jee kpo esɔ kɛ ya ma a mi gbɛjegbɛ ɔmɛ kɛ magbɛ ɔme kɛ puɔ ɔmɛ a kpɛ, nɛ o ya ngɔ ohiafohi kɛ glɔtsɛmɛ kɛ hɛyuyuili kɛ pɔtsɛmɛ kɛ ba hiɛ ɔ.’

Luka 14:21 ပူးပေါင်းရင်းမြစ်များ

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 38:7

Ye se fɛ, nɛ e ngɛ mi sããe hɛii kaa la; ye he mi tsuo puɛ.

Yesaya 35:6

Glɔtsɛmɛ ma hlu kaa odabɔ, nɛ amuɛtihi ma la kɛ bua jɔmi. Pahi maa hia ngɛ nga kplanaa zugba a nɔ.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Zakaria 11:11

A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 15:12

Kɛkɛ nɛ kaseli ɔmɛ ba e ngɔ nɛ a ba de lɛ ke, “O le kaa benɛ Farisi bi ɔmɛ nu kikɛmɛ a munyu nɛ ɔ, e dɔ mɛ ɔ?”

Mateo 18:31

Benɛ tsɔli kpa amɛ na nɔ́ nɛ ba a, a hao wawɛɛ, nɛ a ho matsɛ ɔ ngɔ ya, nɛ a ya bɔ lɛ nɔ́ tsuaa nɔ́ nɛ ba.

Mateo 20:7

A he nɔ ke, ‘Nɔ ko ba bɔɛ wɔ apaa.’ E de mɛ ke, ‘Yoo, nyɛ hu nyɛɛ ya nɛ nyɛ ya tsu ní ngɛ ye wai ngmɔ ɔ mi.’

Luka 14:13

Ke o ngmɛ okplɔɔ ɔ, tsɛ ohiatsɛmɛ, glɔtsɛmɛ, pɔ̃tsɛmɛ, kɛ hɛ yuyuili mohu;

Luka 14:20

Nɔ kpa hu je e nya ke, ‘I kpee yo, nɛ lɔ ɔ he ɔ, i be nyɛe ma ya.’

Luka 14:22

E kɛ we nɛ tsɔlɔ ɔ kpale ba de lɛ ke, ‘Nyɔmtsɛ, nɔ́ nɛ o de mi ke ma pee ɔ, i ya pee; se loloolo ɔ, blɔ ngɛ.’

Luka 14:24

I ngɛ nyɛ dee ke, nihi nɛ a kpee ɔ, ke a ti nɔ ko sa e nya ye niye ní nɛ ɔ fii!’ ”

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Luka 9:10

Bɔfo ɔmɛ kpale a se kɛ ba, nɛ a ba sɛɛ níhi tsuo nɛ a ya pee ɔ ngɔ ha Yesu. Jehanɛ ɔ, e kɛ mɛ pɛ pue nɔ kɛ ho ma ko nɛ a tsɛɛ Betsaida a ya.

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Samuel I, 2:8

E woɔ ohiatsɛmɛ a nɔ kɛ jeɔ tabo zu mi, nɛ e jeɔ ni nɛmɛ nɛ e fi mɛ kɛ jeɔ a haomihi a mi. E haa a kɛ ganɔhi hii si, nɛ e kɛ mɛ toɔ hɛ mi nyami blɔ hehi. Yawɛ níhi ji je ɔ titima amɛ; a nɔ nɛ e fia je ɔ kɛ fɔ.

Samuel I, 25:12

David we bi ɔmɛ kpale a se nɛ a ya gba David nɔ́ tsuaa nɔ́ nɛ Nabal de ɔ.