Luka 13:35 - BAIBLO ALOO NGMAMI KLƆUKLƆU Ɔ

³⁵ Lɔ ɔ he ɔ, Mawu maa pee nyɛ ma a ma doku. I ngɛ nyɛ dee ke, nyɛ be mi nae hu kɛ yaa su be nɛ nyɛ ma de ke, ‘A gbaa nɔ nɛ ma ngɛ Nyɔmtsɛ ɔ biɛ mi ɔ!’ ”

Somi He Ɔ

³⁵ Oʼɛ, a si nyɛ we ɔ we doku ha nyɛ. Se i ngɛ nyɛ dee ke: Nyɛ be mi nae hu kɛ maa su be nɛ e maa ba mi kaa nyɛ ma de ke: ‘A gbaa nɔ nɛ ma ngɛ Nyɔmtsɛ ɔ biɛ mi ɔ!’ ”

Luka 13:35 ပူးပေါင်းရင်းမြစ်များ

La 118:26

A gbaa nɔ nɛ ma ngɛ Yawɛ biɛ mi ɔ! Wa ngɛ mo gbae kɛ je Yawɛ we ɔ.

Yohane 12:13

Lɔ ɔ he ɔ, a kukuɔ tã ba, nɛ a je kpo, nɛ a kɛ lɛ ya kpe kɛ a nɔ ose ke, “Mo kpɔ wɔ oo! Mawu nɛ gbaa nɔ nɛ ma ngɛ Nyɔmtsɛ ɔ biɛ mi ɔ! Mawu nɛ gbaa Israel matsɛ ɔ!”

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

La 69:25

Ha nɛ a hi he nɛ pee ma doku; nɔ ko nɔ ko kó hi a bo tsu ɔmɛ a mi hu.

Yeremia 22:5

Se ke nyɛ yi ye mlaa amɛ a nɔ ɔ lɛɛ i ngɛ ye he kita kae kaa ja matsɛ we nɛ ɔ pee we doku kokooko. Imi, Yawɛ lɛ i de.’ ”

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,