Luka 13:33 - BAIBLO ALOO NGMAMI KLƆUKLƆU Ɔ

³³ Se kɛ̃ ɔ, e hia kaa ma tsa ye blɔ hiami ɔ nɔ mwɔnɛ ɔ, kɛ hwɔɔ, kɛ hwɔɔ se; ejakaa e sɛ kaa a gbeɔ gbalɔ ngɛ he kpa ko kaa ja Yerusalem.

Somi He Ɔ

³³ Se kɛ̃ ɔ ja i nyɛɛ mwɔnɛ ɔ kɛ hwɔɔ kɛ hwɔɔ se, ejakaa e be mi bae kaa a maa gbe gbalɔ ko ngɛ he ko kaa ja Yerusalem.

Luka 13:33 ပူးပေါင်းရင်းမြစ်များ

Mateo 20:18

“Nyɛɛ bu tue! Wa yaa Yerusalem, nɛ a maa ngɔ Nɔmlɔ Bi ɔ kɛ wo osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa bu lɛ gbenɔ fɔ,

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Luka 9:53

Se ni ɔmɛ he we lɛ, ejakaa a na kaa Yesu pee e yi mi kaa e yaa Yerusalem.

Yohane 11:54

Lɔ ɔ he ɔ, Yesu nyɛɛ we ngɛ Yuda bi ɔmɛ a kpɛti nɛ a na lɛ paa hu. Se e je kɛ ho nga a nɔ ya, nɛ e kɛ e kaseli ɔmɛ ya hi ma ko nɛ a tsɛɛ Efraim ɔ.

Yohane 11:9

Yesu he nɔ ke, “Anɛ pi ngmlɛfia nyɔngma kɛ enyɔ nɛ peeɔ ligbi kake? Ke nɔ ko nyɛɛ piani ɔ, e tɛ we si, mɛni he je ɔ, e naa je nɛ ɔ mi la a.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.