Luka 13:27 - BAIBLO ALOO NGMAMI KLƆUKLƆU Ɔ

²⁷ Se e ma de ekohu ke, ‘I li he nɛ nyɛ je! Nyɛɛ je ye nɔ, nyɛ nɛ nyɛ peeɔ ní yayamihi!’

Somi He Ɔ

²⁷ Nɛ e ma de mɛ ke: ‘I ngɛ nyɛ dee ke i li he nɛ nyɛ je; nyɛɛ je ye nɔ nyɛ ninɛmɛ nɛ nyɛ tsuɔ nihi nɛ dɛ blɔ!’ ɔ,

Luka 13:27 ပူးပေါင်းရင်းမြစ်များ

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

La 101:8

I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.

La 119:115

Nyɛ yayami peeli, nyɛɛ je ye nɔ kɛ ya se! Ye Mawu ɔ mlaa amɛ a nɔ ma ye.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 28:3

Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

La 5:6

Mo Yawɛ, o kpataa lakpatsɛmɛ a hɛ mi. Muɔ si pueli, kɛ nɔ sisili lɛɛ o hiee mɛ kulaa.

La 6:8

Nyɛ yayami peeli, nyɛɛ je ye nɔ kɛ ya se, ejakaa Yawɛ nu ye ya fomi ɔ.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Mateo 25:12

Se ayɛflo huno ɔ he nɔ ke, ‘Niinɛ, i ngɛ nyɛ dee ke i li nyɛ.’ ”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Luka 13:25

Be ma nɛ wetsɛ ɔ maa te si, nɛ e ma nga sinya a. Kɛkɛ ɔ, benɛ nyɛ daa si ngɛ we ɔ se ɔ, nyɛ ma bɔni sinya a simi. Nyɛ ma de ke, ‘Nyɔmtsɛ, bli wɔ oo, bli wɔ!’ Se e ma he nɔ ke, ‘I li he nɛ nyɛ je!’

1 Korintobi 8:3

Se nɔmlɔ nɛ suɔ Mawu ɔ, Mawu le lɛ.

Galatabi 4:9

Se jehanɛ nɛ nyɛ ba le Mawu, aloo ke ma de ɔ, Mawu mohu le nyɛ ɔ, mɛni he je nɛ nyɛɛ kɛ mumihi nɛ be he wami ko, nɛ a ní ngɛ mɔbɔ kikɛ nɛ ɔ, ekohu ɔ? Kɛ pee kɛɛ nɛ nyɛ ma ha nɛ a kpale ye nyɛ nyɔguɛ ɔ?

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”