Luka 13:19 - BAIBLO ALOO NGMAMI KLƆUKLƆU Ɔ

¹⁹ E ngɛ kaa kikɛ nɛ ɔ. Nyumu ko ngɔ sinapi wu ya du ngɛ e ngmɔ mi. E puɛ, nɛ e pee tso agbo, nɛ lohwe pɛlitsɛmɛ ba pee a tsu ngɛ e kɔni ɔmɛ a nɔ.”

Somi He Ɔ

¹⁹ E ngɛ kaa sinapi wu kake ngmelu nɛ nyumu ko ngɔ nɛ e ya du ngɛ e ngmɔ mi, nɛ e puɛ, nɛ e pee tso kpetekpleenyɛ, nɛ hiɔwe lohwe pɛlitsɛmɛ baa ba peɔ tsuhi ngɛ e kɔni ɔmɛ a mi.”

Luka 13:19 ပူးပေါင်းရင်းမြစ်များ

Daniel 4:12

E ba amɛ ngɛ fɛu, nɛ e wo yiblii kplanyaa nitsɛ, bɔ nɛ nɔ tsuaa nɔ nɛ ngɛ je nɛ ɔ mi ɔ maa ye eko. Pu mi lohwehi buu si ngɛ e hɔ ɔ mi; lohwe pɛlitsɛmɛ pee tsu ngɛ tso kɔni ɔmɛ a mi, nɛ je nɛ ɔ mi nimlihi, kɛ lohwehi tsuo ba ye e yiblii ɔ.

Daniel 4:21

E ba amɛ ngɛ fɛu, nɛ e wo yiblii kplanyaa nitsɛ, bɔ nɛ nɔ tsuaa nɔ nɛ ngɛ je ɔ mi ɔ maa ye eko. Pu mi lohwehi buu si ngɛ e hɔ ɔ mi, nɛ lohwe pɛlitsɛmɛ pee tsu ngɛ tso kɔni ɔmɛ a mi.

Ni Tsumi 4:4

Se nihi nɛ ba bu sɛ gbi ɔ tue ɔ, a ti nihi babauu nɛ maa su akpe enuɔ he ye.

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Ezekiel 31:6

Lohwe pɛlitsɛmɛ slɔɔtoslɔɔto ya pee a tsuhi ngɛ e kɔni nguangua amɛ a nɔ. Nga mi lohwehi tsuo ya fɔ a bimɛ ngɛ e kɔni wawi ɔmɛ a sisi, nɛ je ma nguanguahi tsuo ya hii si ngɛ e sisi hɔ̃ ɔ mi.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Lahi 8:13

Ye suɔlɔ, ha nɛ ma nu o gbi ngɛ abɔɔ ɔ mi koo! Ye huɛmɛ ɔmɛ ngɛ mo tue bue!

Lahi 4:16

Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

Lahi 4:12

Ye nyɛmiyo, ye we ayɛflo nɛ i suɔ mo saminya, o ngɛ kaa abɔɔ nɛ a ngmɛ nya; o ngɛ kaa nyu vu nɛ a sɔu nya.

Luka 17:6

Nyɔmtsɛ ɔ he nɔ ke, “Nyɛ hemi kɛ yemi kle kaa sinapi wu ngu kake jinɛ nyɛ ko fa sikamore tso nɛ ɔ ke e hia kɛ e sipoku kɛ je zu mi kɛ ya ma wo mi, nɛ e maa bu nyɛ tue.

Marko 4:30

Yesu bi mɛ ke, “Mɛni he wa maa ngɔ Mawu matsɛ yemi ɔ kɛ to? Aloo mɛni abɛ wa maa bu kɛ tsɔɔ nya?