Luka 13:17 - BAIBLO ALOO NGMAMI KLƆUKLƆU Ɔ

¹⁷ Benɛ e de enɛ ɔ, zo gbe e he nyɛli ɔmɛ tsuo, nɛ ma a lɛɛ a na bua jɔmi ngɛ nyakpɛ níhi tsuo nɛ e pee ɔ a he.

Somi He Ɔ

¹⁷ Nɛ benɛ e de enɛ ɔ ɔ, zo gbe e henyɛli ɔmɛ tsuo, nɛ asafo ɔ tsuo na buajɔmi ngɛ nyakpɛ nihi nɛ e pee ɔ kulaa he.

Luka 13:17 ပူးပေါင်းရင်းမြစ်များ

La 109:29

Zo nɛ gbe ye he nyɛli ɔmɛ kpɔtɔɔ. Zo nɛ ha a he kaa bo.

La 111:3

E tsuɔ ní kɛ hɛ mi nyami kɛ agboje. E yeɔ dami sane daa.

La 132:18

Ma ha zo maa gbe e he nyɛli ɔmɛ kpɔtɔɔ, se e tsɛ yemi ɔ maa bɔ, nɛ e ma he biɛ saminya.”

La 40:14

Nihi nɛ hlaa kaa a maa gbe mi ɔ, ha nɛ zo nɛ gbe mɛ nɛ a hɛ mi nɛ pee mɛ yaa. Ni nɛmɛ nɛ nyaa be mi nɛ i ngɛ nɔ́ nae ɔ, ha nɛ a kpale a se kɛ zo.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Luka 14:6

Se a nyɛ we nɛ a ha lɛ enɛ ɔ heto.

Luka 18:43

Amlɔ ɔ nɔuu ɔ, e bɔni nɔ́ hyɛmi, nɛ e nyɛɛ Yesu se, nɛ e ngɛ Mawu yi jee. Benɛ nimli kpekpemi ɔ na nɔ́ nɛ ba a, mɛ tsuo a je Mawu yi.

Luka 19:48

Se a li blɔ nɔ nɛ a maa gu kɛ pee ja; ejakaa ma a tsuo ngɛ e munyu ɔ tue bue kɛ mwɔɔ, nɛ a sume kaa a ma si lɛ.

Luka 20:40

Enɛ ɔ se ɔ, nɔ ko nyɛ we nɛ e bi Yesu sane ko hu.

Ni Tsumi 4:21

Kɛkɛ nɛ kpe ɔ bɔ mɛ kɔkɔ wawɛɛ pe kekle ɔ po, nɛ a ngmɛɛ a he. A nɛ́ bɔ nɛ a maa pee nɛ a maa gbla a tue; ejakaa ni ɔmɛ tsuo ngɛ Mawu hɛ mi nyami woe ngɛ nɔ́ nɛ a pee ɔ he.

2 Timoteo 3:9

Se a be he ko sue, ejakaa e be kɛe kulaa nɛ nihi maa na kaa kuasia kɛkɛ a ngɛ jee. Nɔ́ nɛ ba Yane kɛ Yambre a nɔ ɔ, lɔ ɔ nɔuu maa ba mɛ hu a nɔ.

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.