Luka 13:14 - BAIBLO ALOO NGMAMI KLƆUKLƆU Ɔ

¹⁴ Kpe he nɔkɔtɔma a mi mi wo la kaa Yesu tsa nɔ Hejɔɔmi ligbi ɔ. Lɔ ɔ he ɔ, e wo e nya nɔ nɛ e de ma kpekpemi ɔ ke, “Ligbi ekpa lɛ sa kaa a kɛ tsuɔ ní. Lɔ ɔ he ɔ, nyɛɛ ba jamɛ a be ɔ, konɛ a tsa nyɛ; se pi Hejɔɔmi ligbi ɔ!”

Somi He Ɔ

¹⁴ Se kpe he nɔkɔtɔma a muklii mi wo la akɛnɛ Yesu tsa nɔ ngɛ Hejɔɔmi Ligbi ɔ nɔ ɔ, nɛ e he nɔ nɛ e de asafo ɔ ke: “Ligbi ekpa lɛ ngɛ nɛ sa kaa a tsuɔ ni ngɛ mi; lɔ ɔ he je ɔ nyɛɛ ba ngɛ lɛ be ɔmɛ a mi konɛ a tsa nyɛ, se pi ngɛ Hejɔɔmi Ligbi ɔ nɔ!”

Luka 13:14 ပူးပေါင်းရင်းမြစ်များ

Mose II, 20:9

Ngɔɔ ligbi ekpa kɛ tsu nɔ́ tsuaa nɔ́ nɛ o ngɛ tsumi.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Ezekiel 34:21

Nyɛɛ lɛɛ nyɛ tsitsɛɛɔ to hiɔtsɛmɛ ɔmɛ, nɛ nyɛ hɛɛ mɛ koli kɛ jee to kuu ɔ he kɛ yaa se.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mateo 12:2

Benɛ Farisi bi ɔmɛ na a, a de Yesu ke, “Hyɛ, nɔ́ nɛ o kaseli ɔmɛ ngɛ pee nɛ ɔ, mlaa a ngmɛ́ blɔ kaa a peeɔ Hejɔɔmi ligbi ɔ.”

Marko 5:22

Kɛkɛ nɛ kpe he ɔ nɔkɔtɔma nɛ a tsɛɛ lɛ Yairo ɔ ba lejɛ ɔ. Benɛ e na Yesu ɔ, e ba kpla si ngɛ e nane nya,

Luka 6:11

Se ni ɔmɛ lɛɛ a mi mi wo la wawɛɛ, nɛ a bɔni Yesu yi nɔ somi ngɛ a ní sɛɛmi mi ke, “Kɛ wa maa pee Yesu nɛ ɔ kɛɛ?”

Luka 6:7

Mlaa tsɔɔli komɛ, kɛ Farisi bi komɛ huɔ Yesu kaa e ma tsa nɔ Hejɔɔmi ligbi ɔ, konɛ a na nɔ́ ko nɛ a da nɔ kɛ ya po e nya.

Luka 8:41

Tlukaa a, nyumu ko nɛ a tsɛɛ lɛ Yairo ɔ ba lejɛ ɔ; lɛ ji kpe he ɔ nɔkɔtɔma. E ba kpla si ngɛ Yesu nane nya, nɛ e kpa lɛ pɛɛ ke e ba e we ɔ mi,

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Ni Tsumi 18:17

Mɛ tsuo a ya nu kpe he ɔ nɔkɔtɔma nɛ a tsɛɛ lɛ Sostene ɔ ngɛ kojomi he ɔ hɛ mi, nɛ a fia lɛ ní. Se nɔ́ nɛ a pee nɛ ɔ si we Galio kpu.

Ni Tsumi 18:8

Kpe he ɔ nɔkɔtɔma nɛ a tsɛɛ lɛ Krispo ɔ, kɛ e we tsuo he Nyɔmtsɛ ɔ ye. Nihi babauu hu nɛ ngɛ Korinto ɔ nu sɛ gbi ɔ, nɛ a he ye; nɛ a sɔle mɛ.

Romabi 10:2

Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

Mose V, 5:13

Ngɔɔ ligbi ekpa kɛ tsu nɔ́ tsuaa nɔ́ nɛ o ngɛ tsumi.