Luka 13:11 - BAIBLO ALOO NGMAMI KLƆUKLƆU Ɔ

¹¹ Yo ko ngɛ ni ɔmɛ a kpɛti nɛ mumi yayami wo lɛ hiɔ jeha nyɔngma kɛ kpaanyɔ sɔuu; lɔ ɔ ji e kpɛ, nɛ e nyɛ we nɛ e kpãã e mi kulaa.

Somi He Ɔ

¹¹ nɛ oʼɛ, yo ko ngɛ lejɛ ɔ nɛ mumi yayami wo lɛ hiɔ jeha nyɔngma kɛ kpaanyɔ, nɛ e kpɛ, nɛ enyɛ we e mi nɛ e kpa kulaa po.

Luka 13:11 ပူးပေါင်းရင်းမြစ်များ

Hiob 2:7

Kɛkɛ nɛ Satan si Yawɛ, nɛ e ya ha nɛ tslɔɔ fuu Hiob nɔmlɔ tso ɔ tsuo, kɛ je e nane sisi kɛ ya si e yi mi.

La 145:14

Nihi nɛ ngɛ haomi mi ɔ, e piɛɔ a he, nɛ nihi nɛ nɔ si ɔ, e woɔ a nɔ kɛ daa si ekohu.

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

La 38:6

Ye mi dɔ kɔmɔɔ, nɛ i ma ye yi si; daa nɛ ɔ, kɔmɔ kɛkɛ i ngɛ yee.

La 42:5

Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

La 6:2

Yawɛ naa mi mɔbɔ, ejakaa ye he wami ta. Yawɛ, tsa mi koo, ejakaa i be he wami,

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Marko 9:21

Yesu bi e tsɛ ɔ ke, “Mɛni be enɛ ɔ bɔni lɛ peemi?” E de lɛ ke, “Kɛ je e jokuɛ mi tɔɔ.

Luka 13:12

Benɛ Yesu na lɛ ɔ, e tsɛ lɛ, nɛ e de lɛ ke, “Yo, i ngɛ mo dee ke o hiɔ ɔ ngmɛɛ o he!”

Luka 13:16

Hyɛ, yo nɛ ɔ, Abraham nina ji lɛ, nɛ Satan bɔ lɛ pã jeha nyɔngma kɛ kpaanyɔ sɔuu. Anɛ e sɛ kaa a jeɔ lɛ ngɛ pã mi Hejɔɔmi ligbi ɔ lo?”

Luka 21:28

Lɔ ɔ he ɔ, ke ní nɛ ɔmɛ bɔni mi bami ɔ, nyɛɛ te si, nɛ nyɛ wo nyɛ yi nɔ; ejakaa e be kɛe nɛ Mawu ma he nyɛ yi wami.”

Luka 8:2

kɛ yi komɛ hu nɛ e hia mumi yayamihi ngɛ a mi, nɛ e tsa a hiɔhi ha mɛ. Mɛ ji Maria (nɛ a tsɛɛ lɛ Magdalena), nɔ nɛ a hia mumi yayami kpaago ngɛ e mi ɔ,

Luka 8:27

Benɛ Yesu ba kple ɔ, nyumu ko nɛ mumi yayamihi ngɛ e mi je ma a mi, nɛ e kɛ lɛ ba kpe. Daa nɛ ɔ, nyumu nɛ ɔ hɛɛ e he gu; e hí we mi, se mohu yɔkɔhi a mi nɛ e hii.

Luka 8:43

Yo ko ngɛ ni ɔmɛ a kpɛti nɛ muɔ ngɛ dɛe ngɛ e he jeha nyɔngma kɛ enyɔ sɔuu. Se nɔ ko nɔ ko nyɛ we nɛ e tsa lɛ.

Ni Tsumi 3:2

Nyumu ko nɛ kplɔ kɛ je e fɔmi mi hii si ngɛ sɔlemi we ɔ we agbo nɛ a tsɛɛ Agbo Saminyayoo ɔ nya ngɛ lejɛ ɔ. Daa ligbi ɔ, a woɔ nyumu nɛ ɔ kɛ baa agbo ɔ nya, nɛ e ba baa ní ngɛ nihi nɛ yaa sɔlemi we ɔ a dɛ.

Ni Tsumi 4:22

Nɔmlɔ nɛ a gu kikɛmɛ a nyakpɛ blɔ nɔ kɛ tsa lɛ ɔ ye pe jeha nyingmi eywiɛ.