Luka 12:56 - BAIBLO ALOO NGMAMI KLƆUKLƆU Ɔ

⁵⁶ Osatotsɛmɛ! Nyɛ le je nɛ ɔ mi níhi, kɛ hiɔwe níhi a sisi tsɔɔmi. Mɛni he je mɔ nɛ níhi nɛ ngɛ nɔ yae be nɛ ɔ mi ɔ lɛɛ nyɛ li ɔ?

Somi He Ɔ

⁵⁶ Osatotsɛmɛ, nyɛ le hiɔwe kɛ je mi nihi a sisi tsɔɔmi; se kɛ pee kɛɛ nɛ nyɛ li yi nɔ nɛ ɔ sisitsɔɔmi ɔ?”

Luka 12:56 ပူးပေါင်းရင်းမြစ်များ

Hagai 2:7

Ma ngɔ je mahi tsuo ngɔ fia si, nɛ a maa muɔ a juetli babauu ɔ kɛ ba hiɛ ɔ, nɛ Mawu we ɔ ma hyi tɔtɔɔtɔ kɛ níhi nɛ a he jua wa.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 16:3

Mɔtu ɔ, nyɛ deɔ ke, ‘Hiɔmi maa nɛ mwɔnɛ ɔ, ejakaa hiɔwe pee tsutsuu, nɛ je ɔ mi pee kaa nɔ́ nɛ hiɔmi maa nɛ.’ Niinɛ, ke nyɛ hyɛ hiɔwe pɛ nyɛ le kaa je mi ma tsɔ, loo hiɔmi maa nɛ. Se okadihi nɛ kɔɔ yi nɔ nɛ ɔmɛ a he lɛɛ nyɛ be nyɛe maa tsɔɔ sisi!]

Mateo 6:2

“Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.