Luka 12:50 - BAIBLO ALOO NGMAMI KLƆUKLƆU Ɔ

⁵⁰ A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Somi He Ɔ

⁵⁰ I ngɛ baptisimi ko nɛ a kɛ maa baptisi mi, nɛ hyɛ bɔ nɛ ye he ngɛ mi hiae kɛ maa su be nɛ a maa gbe nya!

Luka 12:50 ပူးပေါင်းရင်းမြစ်များ

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Luka 12:49

“I ba, konɛ ma ba mɛ je ɔ he la, nɛ i ná nɛ nɔ́ nɛ ɔ je sisi momo!

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Yohane 19:30

Benɛ Yesu he dã nɛ kuã a, e de ke, “A gbe nya!” Kɛkɛ nɛ e ma e yi si, nɛ e ngɔ e nya.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 7:10

Nɛ Yesu nyɛminyumu ɔmɛ je ɔ, pee se ɔ, lɛ hu e pue nɔ kɛ ho. Se e je we e he si paa; mohu e ngɛ e he lae.

Ni Tsumi 20:22

Jehanɛ, kaa bɔ nɛ Mumi Klɔuklɔu ɔ de mi ke ma pee ɔ, i yaa Yerusalem, nɛ i li nɔ́ nɛ ma ya ba ye nɔ ngɛ lejɛ ɔ.