Luka 12:47 - BAIBLO ALOO NGMAMI KLƆUKLƆU Ɔ

⁴⁷ “Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Somi He Ɔ

⁴⁷ “Se jamɛ a tsɔlɔ ɔ nɛ le e nyɔmtsɛ suɔmi nya ni nɛ e dla we e he ngɔ tui nɛ e pa pee we e suɔmi nyɛ ni ɔ, a maa fia lɛ kpa fuu;

Luka 12:47 ပူးပေါင်းရင်းမြစ်များ

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Luka 12:41

Petro bi Yesu ke, “Abɛ nɛ o bu nɛ ɔ, wa he e kɔɔ, loo ni ɔmɛ tsuo?”

Luka 12:46

Nyɔmtsɛ ɔ maa kpale kɛ ba tlukaa ligbi nɛ e tsɔlɔ ɔ hyɛ we lɛ blɔ, nɛ́ e hɛ be e he nɔ hulɔ. E maa gbla jamɛ a tsɔlɔ ɔ tue; e maa poo e mi kpɔ nya kpɔ nya kaa bɔ nɛ sa tue gbolɔ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yohane 9:41

Yesu de mɛ ke, “Kaa nyɛ hɛ yu mohu ɔ, jinɛ yayami be nyɛ he; se jehanɛ ɔ, nyɛ deɔ ke, ‘Wa ngɛ nɔ hyɛe,’ lɔ ɔ he ɔ, nyɛ he yayami ɔ ngɛ nyɛ he kɛ mwɔɔ.”

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.