Luka 12:44 - BAIBLO ALOO NGMAMI KLƆUKLƆU Ɔ

⁴⁴ Niinɛ, i ngɛ nyɛ dee ke, nyɔmtsɛ ɔ maa tu e níhi tsuo ngɔ wo jamɛ a tsɔlɔ ɔ dɛ mi nɛ e hyɛ nɔ.

Somi He Ɔ

⁴⁴ I ngɛ nyɛ dee anɔkuale mi ke e maa wo lɛ nɔkɔtɔma ngɛ e ni ɔmɛ kulaa nɔ.

Luka 12:44 ပူးပေါင်းရင်းမြစ်များ

Mateo 24:47

Niinɛ, i ngɛ nyɛ dee ke, nyɔmtsɛ ɔ maa ngɔ tsɔlɔ nɛ ɔ ngɔ pee e weto ní tsuo nɔ hyɛlɔ.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Luka 12:43

Jamɛ a tsɔlɔ ɔ nɛ ke e nyɔmtsɛ ɔ ba nɛ e ma ba na kaa e ngɛ ní tsue kikɛ nɛ ɔ, a gbaa lɛ!

Luka 12:45

Se ke jamɛ a tsɔlɔ ɔ ma de ngɛ e yi mi ke e nyɔmtsɛ ɔ se ma ya fia si bɔɔ, nɛ e be bae mla a, lɛɛ e ma bɔni tsɔli kpa amɛ, kɛ mawayi ɔmɛ kongomi. E maa ye ní, nɛ e maa nu ní, nɛ e maa tɔ dã kpɔtɔɔ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.