Luka 12:4 - BAIBLO ALOO NGMAMI KLƆUKLƆU Ɔ

⁴ “Ye huɛmɛ, i ngɛ nyɛ dee ke, nihi nɛ gbeɔ nɔmlɔ tso ɔ, nɛ lɔ ɔ se ɔ, a nyɛ we nɛ a peeɔ nɔ́ ko hu ɔ, nyɛ ko ye mɛ gbeye.

Somi He Ɔ

⁴ “Se nyɛ, ye huɛmɛ ɔmɛ ɔ, i ngɛ nyɛ dee ke: Nyɛ ko ye nihi nɛ gbee nɔmlɔ tso ɔ nɛ kɔlɔ ɔ se ɔ a be nɔ́ ko nɛ a ma nyɛ maa pee hu ɔ gbeye.

Luka 12:4 ပူးပေါင်းရင်းမြစ်များ

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Yesaya 41:8

“Se mo, ye tsɔlɔ Israel, mo ji ma nɛ i hla, ye huɛ Abraham nina.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yohane 15:13

Suɔmi nɛ se be ji kaa nɔ ko maa ngɔ e wami ngɔ fɔ si ngɛ e huɛmɛ a he.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Filipibi 1:28

Nyɛ ko ha nɛ nihi nɛ teɔ si woɔ nyɛ ɔ a ní peepee nɛ wo nyɛ he gbeye. Nyɛɛ pee kã be tsuaa be. Lɔ ɔ ma ha nɛ a maa na paa kaa a hɛ mi ma kpata, se nyɛɛ lɛɛ a ma he nyɛ yi wami. Ejakaa enɛ ɔ lɛɛ Mawu dɛ mi e je.

Yakobo 2:23

Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.

1 Petro 3:14

Nɛ ke nyɛ naa amanehlu tete po ngɛ kpakpa nɛ nyɛ peeɔ he ɔ, a gbaa nyɛ pɛ! Nyɛ ko ye nihi nɛ maa pee nyɛ yayami ɔ gbeye, nɛ nyɛ ko hao nyɛ he hulɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.