Luka 12:35 - BAIBLO ALOO NGMAMI KLƆUKLƆU Ɔ

³⁵ “Nyɛɛ mia, nɛ nyɛɛ pee klaalo; nɛ nyɛ kane ɔmɛ nɛ a hi tsoe

Somi He Ɔ

³⁵ “Nyɛɛ fi nyɛ Tnlɛ mi nɛ nyɛ ha nyɛ kane ɔmɛ nɛ tso;

Luka 12:35 ပူးပေါင်းရင်းမြစ်များ

Matsɛmɛ I, 18:46

Yawɛ ha Eliya he wami; e fi e tade ɔ ngɔ wo e mlɛ mi, nɛ e gbɔ fo kɛ ya be Ahab he kɛ ho Yezreel ya tɔɔ.

Abɛ Womi 31:17

E tsuɔ ní kpakpataa; e nine si wa kɛ ní tsumi.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Yesaya 5:27

Pɔ tɔɛ a ti nɔ ko nɔ ko he, nɛ nɔ ko nɔ ko hu tɛ we si. A di kɔnɛɛ, nɛ a hwɔ we mahe. A mlɛ mi fimi níhi gbɔle we, nɛ a nane tokota kpa amɛ hu tsɔ we.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Luka 12:36

kaa nihi nɛ a nyɔmtsɛ ho yo kpeemi ya, nɛ a ngɛ lɛ blɔ hyɛe. Ke a pee klaalo ɔ, ke e kpale kɛ ba nɛ e ba si sinya pɛ kɛkɛ a bli ha lɛ amlɔ.

Efesobi 6:14

Lɔ ɔ he ɔ, nyɛɛ da si nɛ nyɛ ha anɔkuale nɛ miaa nyɛ kaa mlɛ mi fimi nɔ́, nɛ dami sane yemi nɛ pee kaa dama ngɛ nyɛ gugue mi.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.