Luka 12:26 - BAIBLO ALOO NGMAMI KLƆUKLƆU Ɔ

²⁶ Ke nyɛ nyɛ we nɔ́ nyafii kaa kikɛ nɛ ɔ peemi ɔ, lɛɛ mɛni he je nyɛ haoɔ nyɛ he ngɛ ní kpa amɛ a he mɔ?

Somi He Ɔ

²⁶ Se ke nyɛ nyɛ we nɔ́ nɛ ji nyafii nɛ nyɛɛ pee ɔ, mɛ he je nyɛ gbaa nyɛ he nyɛ ngɛ nihi nɛ piɛ ɔmɛ a he mɔ?

Luka 12:26 ပူးပေါင်းရင်းမြစ်များ

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

Fiɛlɔ 7:13

Hyɛ Mawu nine nya ní tsumi! Nɔ́ nɛ Mawu ha nɛ e kpɛ̃ ɔ, mɛnɔ ma nyɛ maa pee lɛ nɛ e da?

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

Luka 12:25

Nyɛ ti mɛnɔ nɛ ke e hao e he ɔ, kɛkɛ e ma nyɛ tsɔ e kami nya nine kpɔ mi kami kake.

Luka 12:27

Nyɛɛ hyɛ mɔmɔhi nɛ ngɛ puɛe ha; a tsu we ní, nɛ a kpɛ we tade hulɔ. Se i ngɛ nyɛ dee ke, Matsɛ Salomo kɛ e ní babauu ɔ, lɛ tete po e be miaa we kaa mɔmɔ nɛ ɔmɛ a kpɛti kake.

Luka 12:29

“Lɔ ɔ he ɔ, nyɛ ko hao nyɛ he kulaa; nyɛ ko di nɔ́ nɛ nyɛ maa ye, loo nɔ́ nɛ nyɛ maa nu se tsɔ.

1 Petro 5:7

Nyɛɛ ngɔ nyɛ haomi ɔmɛ tsuo ngɔ fɔ e nɔ; ejakaa lɛ nɛ e hyɛɛ nyɛ nɔ.