Luka 12:22 - BAIBLO ALOO NGMAMI KLƆUKLƆU Ɔ

²² Jehanɛ ɔ, Yesu de e kaseli ɔmɛ ke, “Lɔ ɔ he ɔ, i ngɛ nyɛ dee ke, nyɛ ko ha nɛ nɔ́ nɛ nyɛ maa ye, aloo tade nɛ nyɛ maa wo he susumi nɛ hao nyɛ.

Somi He Ɔ

²² Kɛkɛ nɛ Yesu de e kaseli ɔmɛ ke: “Lɔ ɔ he ɔ nyɛɛ lɛɛ i ngɛ nyɛ dee ke: Nyɛ ko hao nyɛ he ngɛ nyɛ klaa a he, nɔ́ nɛ nyɛ maa ye, aloo nɔmlɔ tso ɔ he, nɔ́ nɛ nyɛ maa wo.

Luka 12:22 ပူးပေါင်းရင်းမြစ်များ

Luka 12:11

“Ke a ngɔ nyɛ kɛ ba kpe he ɔmɛ, loo matsɛmɛ, loo ganɔhi a hɛ mi ɔ, bɔ nɛ nyɛ ma plɛ kɛ fa nyɛ he, kɛ nɔ́ nɛ nyɛ ma de ɔ, lɔ ɔ nɛ ko hao nyɛ kulaa.

Luka 12:23

Wami pe ngma, nɛ nɔmlɔ tso ɔ hu pe tade.

Luka 12:29

“Lɔ ɔ he ɔ, nyɛ ko hao nyɛ he kulaa; nyɛ ko di nɔ́ nɛ nyɛ maa ye, loo nɔ́ nɛ nyɛ maa nu se tsɔ.

1 Korintobi 7:32

I suɔ kaa nyɛɛ hi si nɛ nɔ́ ko nɔ́ ko kó hao nyɛ. Nyumu nɛ be yo ɔ ngɔɔ e he ngɔ woɔ Nyɔmtsɛ ɔ ní tsumi ɔ mi, nɛ e bɔɔ mɔde kaa e maa pee Nyɔmtsɛ ɔ suɔmi nya ní.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”