Luka 12:21 - BAIBLO ALOO NGMAMI KLƆUKLƆU Ɔ

²¹ Yesu de kɛ gbe nya ke, “Nɔ nɛ buaa níhi a nya kɛ haa e he, se e pi niatsɛ ngɛ Mawu níhi a mi ɔ, nɔ́ nɛ baa e nɔ ji nɛ ɔ nɛ.”

Somi He Ɔ

²¹ Jã nɔ nɛ toɔ juetli ngɔ haa lɛ nitsɛ e he, se e pi niatsɛ ngɛ Mawu blɔfami ɔ ngɛ.”

Luka 12:21 ပူးပေါင်းရင်းမြစ်များ

Abɛ Womi 13:7

Ni komɛ peeɔ a he niatsɛmɛ, pohu nɔ́ ko be a dɛ. Ni komɛ hu peeɔ a he ohiatsɛmɛ, se a ngɛ ní babauu.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Habakuk 2:9

Mo nɛ o kɛ yi wu tso kpɔ nihi a níhi kɛ ha o weku li, nɛ o hla kaa haomi kɛ nyagba kó ba o we mi ɔ, musu tloo mo!

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Luka 16:11

Ke je nɛ ɔ mi ní po nyɛ yi anɔkuale ngɛ mi ɔ, mɛnɔ maa tu ní nami nitsɛnitsɛ ɔ ngɔ wo nyɛ dɛ mi?

Luka 6:24

“Se nyɛ niatsɛmɛ, musu tloo nyɛ, ejakaa nyɛ bua jɔmi ɔ tsuo ji nɛ ɔ nɛ!

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!