Luka 12:20 - BAIBLO ALOO NGMAMI KLƆUKLƆU Ɔ

²⁰ Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

Somi He Ɔ

²⁰ Se Mawu de lɛ ke: ‘Kuasia, nyɔ nɛ ɔ mi nɔuu ɔ, a ma bi o klaa si ngɛ o dɛ; nɛ nihi nɛ o dla ngɔ to ɔ, mɛnɔ nihi a maa pee?’

Luka 12:20 ပူးပေါင်းရင်းမြစ်များ

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Hiob 27:8

Ke yayami peelɔ be su, nɛ Mawu ba ngɔ lɛ ɔ, mɛni hɛ kɛ nɔ fɔmi pa ngɛ ha lɛ?

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 49:10

Nɔ tsuaa nɔ le nɔ́ nɛ ɔ: ni lelɔ po gboɔ, nɛ kuasia nɛ be juɛmi hu gboɔ ja nɔuu. Mɛ tsuo a siɔ a ní ɔmɛ kɛ haa ni kpahi.

La 73:19

Ee, a hɛ mi ma kpata si kake too; a nyagbe maa pee gbeye.

La 78:30

Se benɛ a ngɛ ní ɔ yee kɛ mwɔɔ ɔ, nɛ a na we nɛ a gbe nya a,

Abɛ Womi 10:2

Ke o gu blɔ yaya nɔ kɛ na ní ɔ, e he be se nami bae ha mo. Se ke o ye anɔkuale ɔ, o yi ma na wami.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Abɛ Womi 13:7

Ni komɛ peeɔ a he niatsɛmɛ, pohu nɔ́ ko be a dɛ. Ni komɛ hu peeɔ a he ohiatsɛmɛ, se a ngɛ ní babauu.

Abɛ Womi 27:1

Koo fĩa kɛ fɔ hwɔɔ nɔ, ejakaa kɛ je mwɔnɛ ɔ kɛ yaa si hwɔɔ ɔ, o li nɔ́ nɛ maa ba ngɛ mi.

Abɛ Womi 28:8

Nɔ nɛ paa sika ha nɔ nɛ e heɔ hekpa babauu ɔ, pe e ngɛ e juetli ɔ nya buae kɛ ha nɔ nɛ naa ohiatsɛmɛ mɔbɔ.

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Amos 6:13

Nyɛ woɔ nyɛ he nɔ, ejakaa nyɛ ngɔ Lodebar ma a. Nyɛ fĩaa nɛ nyɛ deɔ ke, “Wɔ nitsɛmɛ wa he wami nya nɛ wa ngɔ Karnaim ɔ nɛ.”

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Luka 11:40

Kuasiahi! Mawu nɛ pee kpo nɔ je ɔ, pi lɛ nɔuu nɛ pee mi mi je ɔ hulɔ ɔ?

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Timoteo 6:7

Ejakaa waa kɛ nɔ́ ko bɛ je nɛ ɔ mi; nɛ e fɔɔ si paa kaa wa be nyɛe waa kɛ nɔ́ ko maa ya hulɔ.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.