Luka 12:17 - BAIBLO ALOO NGMAMI KLƆUKLƆU Ɔ

¹⁷ Kɛkɛ nɛ e bɔni susumi ngɛ e yi mi ke, ‘I be he ko nɛ i kɛ ye ngmɔ mi ní nɛ ɔmɛ tsuo maa to. Kɛ ma pee kɛɛ?’

Somi He Ɔ

¹⁷ nɛ e susu ngɛ e yi mi ke: ‘Kɛ ma pee kɛɛ, akɛnɛ i be he nɛ i kɛ ye ngmɔ mi ni maa to nɛ ɔ?’

Luka 12:17 ပူးပေါင်းရင်းမြစ်များ

Fiɛlɔ 11:2

Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Mateo 16:7

Se a tu he munyu ngɛ a kpɛti ke, “E de jã, ejakaa wa hɛɛ we niye ní kɛ bɛ!”

Mateo 5:42

Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Luka 10:25

Kɛkɛ nɛ mlaa tsɔɔlɔ ko te da si, nɛ e ka Yesu. E bi lɛ ke, “Tsɔɔlɔ, kɛ ma pee kɛɛ nɛ ma na neneene wami?”

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Luka 12:16

Enɛ ɔ se ɔ, Yesu kɛ ni ɔmɛ tu munyu ngɛ abɛ gbi mi ke, “Nyumu niatsɛ ko zugba ba ní babauu.

Luka 12:18

Kɛkɛ nɛ e de ke, ‘Nɔ́ nɛ ma pee ji nɛ ɔ nɛ. Ma ku ye gba amɛ ngɔ pue si, nɛ ma ma nguanguahi, nɛ ma to blɛfo, kɛ ní kpahi ngɛ lejɛ ɔmɛ.

Luka 12:22

Jehanɛ ɔ, Yesu de e kaseli ɔmɛ ke, “Lɔ ɔ he ɔ, i ngɛ nyɛ dee ke, nyɛ ko ha nɛ nɔ́ nɛ nyɛ maa ye, aloo tade nɛ nyɛ maa wo he susumi nɛ hao nyɛ.

Luka 12:29

“Lɔ ɔ he ɔ, nyɛ ko hao nyɛ he kulaa; nyɛ ko di nɔ́ nɛ nyɛ maa ye, loo nɔ́ nɛ nyɛ maa nu se tsɔ.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Luka 16:3

Tsɔlɔ ɔ de ngɛ e yi mi ke, ‘Ye nyɔmtsɛ ɔ miɔ nɛ e ma kpɔ ní tsumi ɔ ngɛ ye dɛ; kɛ ma pee kɛɛ? I be nɔmlɔ tso mi he wami nɛ ma nyɛ ní tsumi kpakpataa ma tsu, nɛ nɔ́ bami hu maa pee mi zo.

Luka 16:9

Yesu ya nɔ de ke, “Lɔ ɔ he ɔ, ma de nyɛ ke nyɛɛ pee ja lo? Ma de nyɛ ke nyɛɛ pee huɛmɛ kɛ gu sisimi blɔ nɔ lo? Anɛ enɛ ɔ ma ha nɛ nyɛ ma na blɔ kɛ ya sihi he nɛ ngɛ kɛ yaa neneene ɔ lo?

Luka 18:22

Benɛ Yesu nu enɛ ɔ, e de lɛ ke, “E pa piɛ mo nɔ́ kake. Yaa jua níhi tsuo nɛ o ngɛ ɔ, nɛ o dla sika a ngɔ ha ohiatsɛmɛ, nɛ o ma na juetli ngɛ hiɔwe. Lɔ ɔ se ɔ, ba nɛ o ba nyɛɛ ye se.”

Luka 19:17

E de lɛ ke, Ayekoo! Tsɔlɔ kpakpa ji mo! O ye anɔkuale ngɛ nɔ́ nyafii mi, lɔ ɔ he ɔ, o maa ye ma nyɔngma nɔ́.

Luka 3:11

E he nɔ ke, “Nɔ nɛ ngɛ hiɔwe tade enyɔ ɔ, e ke nɔ nɛ be eko ɔ nɛ dla; nɛ nɔ nɛ ngɛ niye ní ɔ, lɛ hu e kɛ nihi nɛ dla ja nɔuu.”

Ni Tsumi 16:30

Lɔ ɔ se ɔ, e kɛ mɛ je kpo, nɛ e bi ke, “Tsaatsɛmɛ, kɛ ma pee kɛɛ nɛ́ a he ye yi wami?”

Ni Tsumi 2:37

Benɛ ni ɔmɛ nu munyu nɛ ɔ, e hao mɛ wawɛɛ, nɛ a bi Petro kɛ bɔfo kpa amɛ nɛ piɛ e he ɔ ke, “Wa nyɛmimɛ, kɛ wa maa pee kɛɛ?”

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.