Luka 12:16 - BAIBLO ALOO NGMAMI KLƆUKLƆU Ɔ

¹⁶ Enɛ ɔ se ɔ, Yesu kɛ ni ɔmɛ tu munyu ngɛ abɛ gbi mi ke, “Nyumu niatsɛ ko zugba ba ní babauu.

Somi He Ɔ

¹⁶ Nɛ e bu mɛ abɛ ke: “Nyumu niatsɛ ko zugba ba ni babauu;

Luka 12:16 ပူးပေါင်းရင်းမြစ်များ

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

La 73:12

Hyɛ, bɔ nɛ yayami peeli ngɛ ji nɛ ɔ nɛ. Mɛɛ lɛɛ daa nɛ ɔ, a ngɛ he jɔmi mi, nɛ a ngɛ ní nae kɛ ngɛ he bɔe.

La 73:3

Ejakaa ye hɛ kɔ he nɔ woli, kɛ yayami peeli a nɔ benɛ i na kaa a ngɛ nɔ yae ngɛ je mi ɔ.

Ezekiel 16:49

O nyɛmiyo Sodom, kɛ e mi bi ɔmɛ woɔ a he nɔ; a ngɛ niye ní babauu, a ngɛ he jɔmi mi, nɛ a tue mi jɔ mɛ; se a yi bua ohiatsɛmɛ, kɛ nihi nɛ e fi mɛ ɔ.

Hosea 2:8

E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 12:17

Kɛkɛ nɛ e bɔni susumi ngɛ e yi mi ke, ‘I be he ko nɛ i kɛ ye ngmɔ mi ní nɛ ɔmɛ tsuo maa to. Kɛ ma pee kɛɛ?’

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”