Luka 12:14 - BAIBLO ALOO NGMAMI KLƆUKLƆU Ɔ

¹⁴ Se Yesu de lɛ ke, “Maminyumu, mɛnɔ wo mi kojolɔ, loo ní dlalɔ ha nyɛ?”

Somi He Ɔ

¹⁴ Se Yesu de lɛ ke: “Maminyumu, mɛnɔ wo mi kojolɔ loo ni dlalɔ ngɛ nyɛ nɔ?”

Luka 12:14 ပူးပေါင်းရင်းမြစ်များ

Mose II, 2:14

Nyumu ɔ he nɔ ke, “Mɛnɔ wo mo wa nyatsɛ kɛ kojolɔ? Pe o ngɛ hlae nɛ o gbe mi kaa bɔ nɛ o gbe Egipt no ɔ lo?” Kɛkɛ nɛ Mose tsui po, nɛ e de ke, “Akuanyɛ! Sane ɔ je kpo.”

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Luka 12:13

Nimli kpekpemi ɔ a ti nɔ kake de Yesu ke, “Tsɔɔlɔ, de ye nyɛmi ɔ nɛ e kɛ mi nɛ dla gbosi ní ɔ.”

Luka 22:58

Be bɔɔ se ɔ, nyumu ko hu yo Petro, nɛ e de ke, “Mo hu a ti nɔ kake ji mo!” Se Petro he nɔ ke, “Awetsɛ, pi a ti nɔ kake ji mi!”

Luka 5:20

Benɛ Yesu na hemi kɛ yemi nɛ ni ɔmɛ kɛ tsu ní ɔ, e de hiɔtsɛ ɔ ke, “Maminyumu! A kɛ o he yayami ɔmɛ pa mo.”

Yohane 6:15

Benɛ Yesu na kaa a ngɛ hlae nɛ a nu lɛ pani nya, nɛ a wo lɛ matsɛ ɔ, e sã e he si, nɛ lɛ nɔ kake e je kpoo kɛ kuɔ yo ɔ ekohu.

Yohane 8:11

Yo ɔ he nɔ ke, “Nyɔmtsɛ, nɔ ko nɔ ko bui mi fɔ.” Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Romabi 2:3

Se mo ye nyɛmi nɛ o kojoɔ nihi nɛ tsuɔ jamɛ a ní ɔmɛ, nɛ́ mo hu o peeɔ ja nɔuu ɔ, anɛ o susuu kaa o maa ye o he, nɛ Mawu be mo kojoe lo?

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”