Luka 12:11 - BAIBLO ALOO NGMAMI KLƆUKLƆU Ɔ

¹¹ “Ke a ngɔ nyɛ kɛ ba kpe he ɔmɛ, loo matsɛmɛ, loo ganɔhi a hɛ mi ɔ, bɔ nɛ nyɛ ma plɛ kɛ fa nyɛ he, kɛ nɔ́ nɛ nyɛ ma de ɔ, lɔ ɔ nɛ ko hao nyɛ kulaa.

Somi He Ɔ

¹¹ “Ke a kpaka nyɛ kɛ ya kpe he ɔmɛ kɛ matsɛmɛ kɛ ganɔhi a hɛ mi ɔ, nyɛ ko gba nyɛ he nya ngɛ bɔ nɛ loo nɔ́ nɛ nyɛɛ kɛ ma je nyɛ nya loo nɔ́ nɛ nyɛ ma de ɔ he.

Luka 12:11 ပူးပေါင်းရင်းမြစ်များ

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

Mateo 23:34

Lɔ ɔ he ɔ, ma tsɔ gbali, kɛ ní leli, kɛ tsɔɔli kɛ ba nyɛ ngɔ. Nyɛ maa gbe a ti ni komɛ, nɛ nyɛ maa sɛu ni komɛ; ni komɛ lɛɛ nyɛ maa fia mɛ kpa ngɛ nyɛ kpe he ɔmɛ, nɛ nyɛ maa wa mɛ yi mi, nɛ nyɛ maa fie mɛ kɛ je ma kake mi kɛ ya ma kake mi.

Mateo 6:25

“Lɔ ɔ he ɔ, i ngɛ nyɛ dee ke nyɛ ko hao ngɛ nyɛ wami he, nɔ́ nɛ nyɛ maa ye, kɛ nɔ́ nɛ nyɛ maa nu, aloo nɔmlɔ tso ɔ he, bo nɛ nyɛ ma bu, loo tade nɛ nyɛ maa wo. Anɛ wami pã we ngma lo? Anɛ nɔmlɔ tso ɔ pã we heha nɔ́ lo?

Mateo 6:27

Nyɛ ti mɛnɔ kɛ yeyeeye peemi ma nyɛ tsɔ e kami nya nine kpɔ mi kami kake?

Mateo 6:28

“Lɛɛ mɛni he je nyɛ peeɔ yeyeeye ngɛ heha nɔ́ he? Nyɛɛ hyɛ mɔmɔhi nɛ ngɛ puɛe ngɛ nga nɔ; a tsu we ní, nɛ a tsɛ̃ we kpa.

Mateo 6:31

“Lɔ ɔ he ɔ, nyɛ ko hao nyɛ he nɛ nyɛ bi ke, ‘Mɛni wa maa ye? Aloo mɛni wa maa nu? Aloo mɛni wa maa ngɔ kɛ ha wa he?’

Mateo 6:34

Lɔ ɔ he ɔ, nyɛ ko hao nyɛ he ha hwɔɔ; ejakaa hwɔɔ hu ma kɛ lɛ nitsɛ e haomihi babauu. Haomihi nɛ baa daa ligbi ɔ, e hia we kaa waa ngɔ ekpa ko kɛ ba piɛ ligbi ko nɔ́ he hu.

Luka 12:22

Jehanɛ ɔ, Yesu de e kaseli ɔmɛ ke, “Lɔ ɔ he ɔ, i ngɛ nyɛ dee ke, nyɛ ko ha nɛ nɔ́ nɛ nyɛ maa ye, aloo tade nɛ nyɛ maa wo he susumi nɛ hao nyɛ.