Luka 12:1 - BAIBLO ALOO NGMAMI KLƆUKLƆU Ɔ

¹ Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Somi He Ɔ

¹ Jamɛ a be ɔ mi nɔuu ɔ, benɛ nihi akpe akpehi abɔ ba bua a he nyɛ nɛ nihi ngɛ nihi a nɔ nae ɔ, Yesu bɔni e kaseli ɔmɛ demi ke: “Kekleekle ɔ, nyɛ hɛ̃ nɛ hi nyɛ he nɔ ngɛ Farisifo ɔmɛ a ma sasɛ nɛ ji osato peemi ɔ he.

Luka 12:1 ပူးပေါင်းရင်းမြစ်များ

Matsɛmɛ II, 7:17

E ba mi kaa Israel matsɛ ɔ ngɔ e we asafoatsɛngua a kɛ to ma a agbo ɔ nya. Se ma a naa e nɔ ngɛ agbo ɔ nya nɛ e gbo kaa bɔ nɛ Mawu nɔmlɔ ɔ de benɛ matsɛ ɔ ba e ngɔ ɔ.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Hiob 27:8

Ke yayami peelɔ be su, nɛ Mawu ba ngɔ lɛ ɔ, mɛni hɛ kɛ nɔ fɔmi pa ngɛ ha lɛ?

Hiob 36:13

Nihi nɛ li Mawu ɔ, mɛɛ lɛɛ a woɔ a mi mi la kɛ yaa nɔ. Ke a gbla a tue po, a fa we kue kɛ tsɛ balɔ.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

Luka 12:56

Osatotsɛmɛ! Nyɛ le je nɛ ɔ mi níhi, kɛ hiɔwe níhi a sisi tsɔɔmi. Mɛni he je mɔ nɛ níhi nɛ ngɛ nɔ yae be nɛ ɔ mi ɔ lɛɛ nyɛ li ɔ?

Luka 5:1

Ligbi ko ɔ, benɛ Yesu daa si ngɛ Genesaret taku ɔ nya a, nihi fuu ba pue e nɔ nɛ a bu Mawu munyu ɔ tue.

Luka 5:15

Se Yesu he sane gbɛ fĩa he tsuaa he mohu. Enɛ ɔ he je ɔ, nimli babauu baa e ngɔ, konɛ a ba bu lɛ tue, nɛ a tsa a hiɔhi ha mɛ hulɔ.

Luka 6:17

Benɛ Yesu kɛ bɔfo ɔmɛ kple si kɛ ba a, e ba da si ngɛ magbɛ nɔ, kɛ e se nyɛɛli babauu. Nimli babauu nitsɛ ngɛ lejɛ ɔ. A je Yudea zugba a nɔ tsuo, kɛ Yerusalem, kɛ Tiro, kɛ Sidon wo nya ma amɛ a mi.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.