Luka 11:8 - BAIBLO ALOO NGMAMI KLƆUKLƆU Ɔ

⁸ Aa, mɛni maa ba? I ngɛ nyɛ dee ke, ke ka e huɛ nɛ ji lɛ ɔ he jinɛ e be si tee nɛ e ha lɛ nɔ́ ko; se akɛnɛ e ngɛ e nya dooe kpamisa he je ɔ, e maa te si kɛ̃, nɛ e ma ha lɛ nɔ́ tsuaa nɔ́ nɛ e ngɛ hlae ɔ.

Somi He Ɔ

⁸ I ngɛ nyɛ dee ke, ke ka e huɛ nɛ ji lɛ ɔ he jinɛ e be si tee nɛ e ha lɛ, se e nya doomi ɔ he ɔ, e maa te si kɛ̃, nɛ e ma ha lɛ bɔ tsuaa bɔ nɛ e ngɛ hlae.

Luka 11:8 ပူးပေါင်းရင်းမြစ်များ

Mose I, 32:26

Nyumu ɔ de Yakob ke, “Ngmɛɛ ye he nɛ ma ho; je ngɛ mi nae!” Yakob he nɔ ke, “I be hae nɛ o ya, ja o gbaa mi lolo!”

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Romabi 15:30

Ye nyɛmimɛ, i ngɔ Nyɔmtsɛ Yesu Kristo, kɛ suɔmi nɛ Mumi Klɔuklɔu ɔ haa nɔ ɔ kɛ ngɛ nyɛ pɛɛ kpae nɛ nyɛɛ piɛ ye he kɛ sɔle wawɛɛ nɛ Mawu nɛ ye bua mi.

Kolosebi 2:1

Dengme babauu nɛ i gbo ngɛ nyɛɛ kɛ nihi nɛ ngɛ Laodikea, kɛ jehanɛ ni nɛmɛ nɛ li mi hɛ mi kɛ hɛ mi po ɔ tsuo nyɛ he ɔ, i suɔ kaa nyɛɛ le.

2 Korintobi 12:8

I kpa Nyɔmtsɛ ɔ pɛɛ si etɛ sɔuu ke e je nɔ́ nɛ ɔ kɛ je ye nɔ.

Luka 11:7

Waa ngɔ lɛ kaa nɔ nɛ ngɛ tsu ɔ mi ɔ ma he nɔ ke, ‘Koo doo ye nya! A nga sinya a momo, nɛ i kɛ ye bimɛ hwɔ si; i be nyɛe ma te si ba ha mo nɔ́ ko hu.’

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.

Samuel I, 1:12

Benɛ e ngɛ sɔlee kɛ mwɔɔ ngɛ Yawɛ hɛ mi ɔ, Eli to e nya he hɛ.