Luka 11:50 - BAIBLO ALOO NGMAMI KLƆUKLƆU Ɔ

⁵⁰ Lɔ ɔ he ɔ, gbali tsuo nɛ a gbe kɛ je je mi sisije ɔ, a ma bi a muɔ si ngɛ yi nɔ bi nɛ ɔmɛ nyɛ dɛ.

Somi He Ɔ

⁵⁰ konɛ gbali ɔmɛ a muɔ tsuo nɛ a pue si kɛ je je mi sisije ɔ, a bi si ngɛ yi nɔ bi nɛ ɔmɛ a dɛ’

Luka 11:50 ပူးပေါင်းရင်းမြစ်များ

Mose I, 4:2

Kain se ɔ, Hawa fɔ binyumu ekohu nɛ e wo lɛ Habel. Habel ní tsumi ji to hyɛmi, se Kain lɛɛ ngmɔ hulɔ ji lɛ.

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Yeremia 51:56

A ba kpata Babilon hɛ mi; a nuu Babilon ta buli ɔmɛ, nɛ a ku a kɛ̃ɛ̃ ɔmɛ. Mawu nɛ woɔ yayami he hiɔ ji mi, ma gbla Babilon tue bɔ nɛ sa lɛ.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Mose IV, 35:33

Ke nyɛ pee ja a, nyɛ ble zugba a nɛ nyɛ ngɛ nɔ ɔ. Muɔ bleɔ zugba, nɛ kpatami nɔ́ ko be kɛ ha zugba nɛ a pue muɔ si ngɛ nɔ kaa ja nɔ nɛ pue muɔ si ɔ nɔuu e muɔ.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.