Luka 11:48 - BAIBLO ALOO NGMAMI KLƆUKLƆU Ɔ

⁴⁸ Nyɛ ní peemi níhi tsɔɔ kaa nɔ́ nɛ nyɛ nɛmɛ ɔmɛ pee ɔ ngɔ nyɛ nya; mɛɛ a gbe gbali ɔmɛ, nɛ nyɛɛ lɛɛ nyɛ fia a yɔkɔ ɔmɛ.

Somi He Ɔ

⁴⁸ lɛɛ niinɛ nyɛ ngɛ nyɛ tsɛmɛ ɔmɛ a ni tsumi ɔmɛ a he odase yee, nɛ e ngɔ nyɛ nya ejakaa mɛ lɛ a gbe mɛ mohu, se nyɛ lɛ nyɛ maa a pu he ɔmɛ.

Luka 11:48 ပူးပေါင်းရင်းမြစ်များ

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Hiob 15:6

Mo nitsɛ o nya mi munyu ngɛ mo fɔ bue; mo nitsɛ o lilɛ ngɛ odase yee kɛ ngɛ mo sie, se pi imi.

La 64:8

E ma kpata a hɛ mi tlukaa ngɛ munyuhi nɛ mɛ nitsɛmɛ a tu ɔ he. Nihi tsuo nɛ maa na mɛ ɔ ma mimiɛ a yi.

Ezekiel 18:19

“Se nyɛ biɔ ke, Mɛni he je bi nɛ́ nɔ́ ngɛ e tsɛ yayamihi nɛ e pee ɔ a he ɔ? Ke bi ko yeɔ dami sane, nɛ e peeɔ nɔ́ nɛ da, nɛ e yeɔ mlaa amɛ a nɔ ɔ, niinɛ, e yi ma na wami.

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Mateo 23:31

Enɛ ɔ tsɔɔ kaa nyɛ nitsɛmɛ nyɛ ngɛ odase yee kaa nihi nɛ gbe gbali ɔmɛ a nina ji nyɛ.

Luka 11:47

Musu tloo nyɛ! Nyɛ fiaa yɔkɔhi kɛ haa gbali ɔmɛ nɛ nyɛ nɛmɛ ɔmɛ gbe ɔ.

Luka 11:49

Enɛ ɔ he nɛ Mawu nile ɔ de ke, ‘Ma tsɔ gbali, kɛ tsɔli kɛ ya a ngɔ; a maa gbe a ti ni komɛ, nɛ a maa wa a ti ni komɛ yi mi.’

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Yakobo 5:10

Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

Yoshua 24:22

Jehanɛ, Yoshua de mɛ ke, “Nyɛ nitsɛmɛ ji odase yeli kaa nyɛ de ke nyɛ ma sɔmɔ Yawɛ.” Ma a he nɔ ke, “Ee, wɔ lɛ wa de ja; odase yeli ji wɔ.”