Luka 11:44 - BAIBLO ALOO NGMAMI KLƆUKLƆU Ɔ

⁴⁴ Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

Somi He Ɔ

⁴⁴ Musu tloo nyɛ, ejakaa nyɛ ngɛ kaa yɔkɔhi nɛ ji si, nɛ nihi nɛ nyɛɛ nɔ ɔ li!”

Luka 11:44 ပူးပေါင်းရင်းမြစ်များ

Ni Tsumi 23:3

Paulo de lɛ ke, “Mo hu Mawu ma gba mo ma kokooko; mo nɛ o ngɛ kaa gli nɛ a sa he kalo! Mo nɛ o blɔ nya ji kaa o hyɛ nɛ a kojo mi ngɛ mlaa a nya a, hyɛ kaa mo mohu o je mlaa a se fa ke a gba mi ma!”

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

Hosea 9:8

Mawu tsɔ imi, e gbalɔ ɔ, kaa ma ba tu munyu kɛ tsɔɔ e ma Israel ɔ. Se he tsuaa he nɛ ma ya a, nyɛ tsɔ̃ mi klama kaa a tsɔ̃ɔ̃ lohwe pɛlitsɛ klama. Mawu we ɔ nitsɛ po, ninyɛ sɔuu lɛ ngɛ lejɛ ɔ.

Mose IV, 19:16

Nɔ tsuaa nɔ nɛ maa ta nɔ gbogboe he ngɛ nga nɔ ɔ, e he tsɔ we kɛ yaa si ligbi kpaago, nɔ nɛ a kɛ klaate gbe lɛ jio, nɔ nɛ gbo lɛ nitsɛ e gbenɔ jio. Jã kɛ̃ nɔ nɛ maa ta nɔ gbogboe wu, aloo yɔkɔ ko he ɔ, lɛ hu e he tsɔ we kɛ yaa si ligbi kpaago.

Mateo 13:32

Sinapi wu ji wuhi nɛ a duɔ ɔ a kpɛti nyafii pe kulaa. Se ke e wa a, e ba peeɔ tso nguaa pe tso ɔmɛ tsuo. Kɛkɛ ɔ, lohwe pɛlitsɛmɛ baa nɛ a ba peeɔ tsu ngɛ e kɔni ɔmɛ a mi.”

Ezekiel 39:15

Ke a ngɛ zugba a nɔ kpae, nɛ nɔ ko ya na wu ko ɔ, e pee okadi ngɛ wu ɔ he kɛ yaa si a maa ngɔ wu ɔ ya pu ngɛ Gog ta buli a kɔ̃ ɔ mi.