Luka 11:43 - BAIBLO ALOO NGMAMI KLƆUKLƆU Ɔ

⁴³ “Nyɛ Farisi bi, musu tloo nyɛ! Nyɛ suɔ nikɔtɔmahi a sihi hehi ngɛ kpe he ɔmɛ, nɛ nyɛ suɔ hu nɛ nihi nɛ kpla si kɛ nga nyɛ ngɛ jua nɔ.

Somi He Ɔ

⁴³ “Musu tloo nyɛ, Farisifohi, kaa nyɛ suɔ nikɔtɔmahi a sihi hehi ngɛ kpe he ɔmɛ kɛ nɔ ngami ngɛ juahi a nɔ!

Luka 11:43 ပူးပေါင်းရင်းမြစ်များ

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Mateo 11:16

“Mɛni he po ma ngɔ kikɛmɛ a yi nɔ bi nɛ ɔmɛ ngɔ to? A ngɛ kaa jokuɛwi nɛ hii si ngɛ jua nɔ, nɛ a ngɛ a juami bi dee ke,

Luka 20:46

“Nyɛɛ hyɛ nyɛ he saminya ngɛ mlaa tsɔɔli ɔmɛ a he. A suɔ kaa a maa wo tade klɔii kɛ hi nyɛɛe kɛ hi bee. A suɔ kaa nihi nɛ kpla si kɛ nga mɛ ngɛ jua nɔ. A suɔ nikɔtɔmahi a sihi he ngɛ kpe he ɔmɛ; nɛ ke a tsɛ ní yemi ɔ, a suɔ kaa a maa hi okplɔɔ ɔ yi.

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

3 Yohane 1:9

I ngma womi kpiti ko ngɔ mane asafo ɔ. Se Diotrefe, nɔ nɛ hlaa kaa e pee e he nɔkɔtɔma a bui mi kulaa.