Luka 11:42 - BAIBLO ALOO NGMAMI KLƆUKLƆU Ɔ

⁴² “Nyɛ Farisi bi, musu tloo nyɛ! Nyɛ haa Mawu kowɛ, kɛ pui, kɛ ba slɔɔtohi tsuo mi dlami nyɔngmanyɔngma mi kakaaka, se dami sane yemi, kɛ Mawu suɔmi lɛɛ nyɛ si se. E sa kaa nyɛ peeɔ enɛ ɔmɛ, nɛ ekpa amɛ hu nyɛ ko si se.

Somi He Ɔ

⁴² “Se musu tloo nyɛ, Farisifohi, kaa nyɛ hãa kowɛ kɛ pui kɛ bahi slɔɔtohi tsuo mi dlami nyɔngma mi kake, nɛ nyɛ siɔ dami sane yemi kɛ Mawu suɔmi ɔ! Jinɛ e sa kaa nyɛ peɔ enɛ ɔmɛ, nɛ nyɛ ko si ekolɔ ɔ hulɔ.

Luka 11:42 ပူးပေါင်းရင်းမြစ်များ

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Fiɛlɔ 7:18

E hi kaa o maa pɛtɛ ga womi nɛ ɔ he nɛ o be he ngmɛɛe. Nɔ nɛ yee Mawu gbeye ɔ, e maa ye manye kɛ̃.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Malaki 3:8

I ngɛ bie ke, Mawu ɔ, anɛ nɔmlɔ sisiɔ lɛ lo? Dɛbi! Se nyɛɛ lɛɛ nyɛ ngɛ mi sisie. Nyɛ biɔ mi ke, ‘Kɛ wa plɛ kɛ ngɛ mo sisie kɛɛ?’ Mi dlami nyɔngmanyɔngma mi kakaaka, kɛ nike ní nɛ ma a ba haa mi ɔ, nyɛ sisiɔ mi ngɛ mi.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Luka 18:12

I haa hwɔ si enyɔ ngɛ otsi mi, nɛ i haa mo níhi tsuo nɛ i naa a mi dlami nyɔngmanyɔngma mi kakaaka.’

Yohane 5:42

I le nyɛ su, nɛ i le hu kaa Mawu suɔmi be nyɛ mi.

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.