Luka 11:4 - BAIBLO ALOO NGMAMI KLƆUKLƆU Ɔ

⁴ Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

Somi He Ɔ

⁴ Nɛ o kɛ wa he yayami ɔmɛ nɛ pa wɔ, Ejakaa wɔ hu waa kɛ paa nɔ tsuaa nɔ nɛ tɔ́ɔ wa nɔ ɔ. Nɛ o kɛ wɔ ko ya ka mi.’ ”

Luka 11:4 ပူးပေါင်းရင်းမြစ်များ

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Matsɛmɛ I, 8:34

moo bu mɛ tue ngɛ hiɔwe. Ngɔɔ yayami nɛ o ma a pee ɔ ngɔ pa mɛ, nɛ o kpale mɛ kɛ ba zugba a nɛ o ngɔ kɛ ha a nɛmɛ ɔmɛ ɔ nɔ ekohu.

Matsɛmɛ I, 8:36

moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.

La 121:7

Yawɛ maa bu o he kɛ je yayami tsuo mi; e maa baa o yi.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

La 25:18

Hyɛ ye haomi ɔ, kɛ ye nɔ́ nami ɔ, nɛ o ngɔ ye he yayami ɔmɛ tsuo kɛ pa mi.

Daniel 9:19

Nyɔmtsɛ, bu wɔ tue! Nyɔmtsɛ, ngɔɔ kɛ pa wɔ! Nyɔmtsɛ, moo bu wɔ tue, nɛ o pee he nɔ́ ko ha wɔ! Koo to tsle, bɔ nɛ pee nɛ nɔ tsuaa nɔ nɛ le kaa Mawu ji mo! O ma a kɛ e mi bi ɔmɛ ɔ, o níhi ji mɛ.”

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Mateo 18:35

Yesu de kɛ gbe nya ke, “Ke nyɛ ngɔɛ nyɛ nyɛmimɛ a tɔmi ngɔ pɛ mɛ kɛ je nyɛ tsui mi ɔ, bɔ nɛ Tsaatsɛ nɛ ngɛ hiɔwe ɔ maa pee nyɛ ti nɔ tsuaa nɔ ji nɛ ɔ nɛ.”

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi. Mumi ɔ lɛɛ e suɔ kaa e maa pee jã, se he lo ɔ gbede.”

Luka 11:5

Jehanɛ ɔ, Yesu de e kaseli ɔmɛ ke, “Waa ngɔ lɛ kaa nyɛ ti nɔ kake ya e huɛ ngɔ nyɔ mi kpɛti ya de lɛ ke, ‘Ye huɛ, paa mi abolo etɛ.

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

Luka 22:46

E de mɛ ke, “Mɛni he je nyɛ ngɛ mahe hwɔe ɔ? Nyɛɛ te si nɛ nyɛɛ sɔle, konɛ nyɛ ko sɛ ka mi.”

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Yohane 17:15

I kpa we pɛɛ ke o je mɛ kɛ je je ɔ mi; se mohu i ngɛ pɛɛ kpae nɛ o bu a he kɛ je nɔ yayami ɔ dɛ mi.

1 Korintobi 10:13

Kahi nɛ baa nyɛ nɔ ɔ, ekoeko be nɛ bɛ adesa nɔ hyɛ. Se Mawu yeɔ e siwo nɔ, nɛ e be hae nɛ a ka nyɛ pe bɔ nɛ nyɛ ma nyɛ. Ke ka ba nyɛ nɔ ɔ, Mawu ma ha nyɛ he wami nɛ nyɛ kɛ da nya, konɛ nyɛɛ je mi.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.