Luka 11:34 - BAIBLO ALOO NGMAMI KLƆUKLƆU Ɔ

³⁴ Hɛngmɛ ji nɔmlɔ tso ɔ kane. Ke o hɛngmɛ nɔ tsɔ ɔ, e haa nɔmlɔ tso ɔ tsuo kpɛɔ kɛ la; se ke o hɛngmɛ hí ɔ, o nɔmlɔ tso ɔ woɔ diblii.

Somi He Ɔ

³⁴ Nɔmlɔ tso ɔ kane ji hɛngmɛ. Ke o hɛngmɛ nɔ tsɔ ɔ, o nɔmlɔ tso mluku ɔ hu mi tsɔɔ; se ke o hɛngmɛ hi ɔ, o nɔmlɔ tso ɔ hu woɔ diblii.

Luka 11:34 ပူးပေါင်းရင်းမြစ်များ

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

La 119:18

Bli ye hɛngmɛ, konɛ ma na nyakpɛ níhi nɛ ngɛ o mlaa a mi.

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Marko 8:18

Nyɛ ngɛ hɛngmɛ, anɛ nyɛ hyɛ we nɔ? Nyɛ ngɛ tue hulɔ, anɛ nyɛ nui nɔ́; nɛ nyɛ kaii we nɔ́ ko nɔ́ ko lo?

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Ni Tsumi 13:11

Hyɛ, Nyɔmtsɛ ɔ ma je e he wami kpo kɛ tsɔɔ mo jehanɛ; o hɛ ma yu; o be pu la nae kɛ maa su be ko!” Amlɔ nɔuu ɔ, Elima hɛngmɛ nɔ wo afua, nɛ e pee kpii. Kɛkɛ nɛ e bɔni si tataami ngɛ nɔ ko hlae nɛ maa ta e dɛ mi nɛ e tsɔɔ lɛ blɔ.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Efesobi 6:5

Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Marko 7:22

gba puɛmi, hɛkɔ, yi wu tso ní peemi, nɔ sisimi, yahomi, ninyɛ, nɔ biɛ puɛmi, he nɔ womi, kuasiahi a sane yemi.

Yesaya 42:19

Anɛ nɔ ko ngɛ nɛ e hɛ yu pe ye tsɔlɔ ɔ, loo nɛ e tue tsi pe nɔ nɛ i tsɔ kɛ sɛ pɔtɛɛ ɔ lo?

Abɛ Womi 28:22

Nɔmlɔ nɛ hɛ mi sãã lɛ hlaa kaa e he maa sɔ kɛ na ní. Se e li tete kaa hwɔɔ se ɔ, e ma ba ye ohia.

Mose I, 19:11

Lɔ ɔ se ɔ, a ha nɛ ni ɔmɛ nɛ daa si ngɛ sinya a nya a tsuo a hɛ yu, nɛ a nɛ tsu ɔ nya blɔ hu.

Abɛ Womi 21:4

He nɔ womi, kɛ he womi nɛ yiwutsotsɛmɛ nyaa he ɔ, yayami ji lɔ ɔmɛ.

Yesaya 5:20

Musu tloo nyɛ! Nyɛ tsɛɔ yayami ke kpakpa, nɛ nyɛ tsɛɔ kpakpa ke yayami. Nyɛ plɛɔ diblii kɛ peeɔ la, nɛ la hu peeɔ diblii. Nyɛ plɛɔ doomi kɛ peeɔ ngɔɔmi, nɛ nɔ́ nɛ ngɔɔ peeɔ nɔ́ nɛ dooɔ.

Luka 11:35

Lɔ ɔ he ɔ, hyɛ nɛ ngɛ o mi ɔ hi, konɛ la nɛ ko plɛ diblii.