Luka 11:29 - BAIBLO ALOO NGMAMI KLƆUKLƆU Ɔ

²⁹ Benɛ ni ɔmɛ a he ba bɔni hiɛmi fuu ɔ, Yesu ya nɔ nɛ e de ke. “Yi nɔ bi nɛ ɔmɛ ɔ, nimli yayamihi ji mɛ! A ngɛ okadi hlae, se a be mɛ eko hae, kaa ja gbalɔ Yona okadi ɔ.

Somi He Ɔ

²⁹ Benɛ asafo ɔmɛ ba bua a he nya fuu ɔ, Yesu bɔni demi ke: “Yi nɔ bi nɛ ɔmɛ ɔ, yi nɔ bi yayamihi ʼi. A ngɛ okadi hlae, se a be mɛ eko hae kaa ja gbalɔ Yona okadi ɔ.

Luka 11:29 ပူးပေါင်းရင်းမြစ်များ

Ezekiel 24:24

Nɛ imi Ezekiel, ma pee nɔ́ hyɛmi nɔ́ ha nyɛ; bɔ nɛ i pee ɔ, ja pɛpɛɛpɛ nyɛ maa pee. Yawɛ ke, ke nɔ́ nɛ ɔ ba mi ɔ, nyɛ maa le kaa lɛ ji Yawɛ ɔ nɛ.”

Yona 1:1

Ligbi ko ɔ, Yawɛ kɛ Yona, Amitai bi ɔ tu munyu, nɛ e de lɛ ke,

Mateo 3:7

Benɛ Yohane na kaa Farisi bi, kɛ Saduki bi babauu ma e ngɔ nɛ e sɔle mɛ ɔ, e de mɛ ke, “Nyɛ sinɔhi a nina, mɛnɔ wo nyɛ ga ke nyɛɛ tu fo ngɛ tue gblami nɛ Mawu kɛ ma nyɛ nɔ ɔ nya.

Marko 8:38

Nɔ tsuaa nɔ nɛ imi, kɛ ye munyu ɔ, wa he peeɔ lɛ zo ngɛ yi nɔ nɛ ɔ bi gba puɛli, kɛ yayami peeli nɛ ɔmɛ a kpɛti ɔ, lɛ hu e he maa pee Nɔmlɔ Bi ɔ zo be mi nɛ e maa ba ngɛ e Tsɛ nyami ɔ mi, kɛ e bɔfo klɔuklɔu ɔmɛ.”

Luka 11:16

Ni komɛ hu hla kaa a maa ka Yesu. Lɔ ɔ he ɔ, a de lɛ ke, “Moo pee nyakpɛ nɔ́ ko kɛ tsɔɔ wɔ kaa niinɛ, Mawu he wami nya ní o ngɛ tsue.”

Luka 11:50

Lɔ ɔ he ɔ, gbali tsuo nɛ a gbe kɛ je je mi sisije ɔ, a ma bi a muɔ si ngɛ yi nɔ bi nɛ ɔmɛ nyɛ dɛ.

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

Luka 9:41

Yesu he nɔ nɛ e de ke, “Oo yi nɔ bi nɛ be hemi kɛ yemi nɛ a kplɛɛ we tsakemi, mɛni be i kɛ nyɛ maa hi si kɛ yaa si?” Kɛkɛ nɛ e de nyumu ɔ ke, “O kɛ o bi ɔ nɛ ba hiɛ ɔ!”

Yohane 2:18

Jehanɛ ɔ, Yuda bi ɔmɛ bi Yesu ke, “Mɛni okadi o maa to wɔ kɛ ma nɔ́ nɛ o pee nɛ ɔ nɔ mi?”

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

1 Korintobi 1:22

Yuda bi hlaa kaa a pee okadi ha mɛ nɛ a na loko a he sɛ gbi ɔ nɛ a ye. Hela bi hu hlaa kaa a maa nu nile munyu ko ngɛ mi lo.