Luka 11:13 - BAIBLO ALOO NGMAMI KLƆUKLƆU Ɔ

¹³ Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

Somi He Ɔ

¹³ Lɛɛ ke nyɛ nɛ nyɛ ji nimli yayamihi ɔ, nyɛ le bɔ nɛ nyɛ peɔ nɛ nyɛɛ kɛ nike ni kpakpahi kee nyɛ bimɛ ɔ, nyɛmɛ nɔuu nɛ nyɛ tsɛ nɛ ngɛ hiɔwe ɔ be Mumi Klɔuklɔu ɔ ngɔe ha nihi nɛ biɔ lɛ ɔ?”

Luka 11:13 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mateo 6:14

“Ke nyɛɛ kɛ nihi a tɔmihi pa mɛ ɔ, nyɛ Tsɛ nɛ ngɛ hiɔwe ɔ kɛ nyɛ hu nyɛ tɔmihi maa pa nyɛ.

Mateo 6:30

Nga, nɛ mwɔnɛ ɔ e bɔ, nɛ hwɔɔ kɛkɛ a sake kɛ fɔ la mi ɔ, hyɛ bɔ nɛ Mawu mia lɛ saminyayoo ha! Anɛ Mawu be nyɛe nɛ e pee enɛ ɔ kɛ be nɔ ha nyɛ lo! Oo, nyɛ hemi kɛ yemi pi saasaa!

Mateo 6:32

Níhi nɛ ma je li dii se ji enɛ ɔmɛ nɛ. Nyɛ Tsɛ nɛ ngɛ hiɔwe ɔ le kaa ní nɛ ɔmɛ tsuo a he hia nyɛ.

Mateo 7:11

Nyɛ nɛ nyɛ peeɔ yayami po, tse nyɛ le bɔ nɛ nyɛ haa nyɛ bimɛ ní kpakpahi! Nyɛ Tsɛ nɛ ngɛ hiɔwe ɔ, anɛ lɛɛ e be nyɛe ma ha nihi nɛ biɔ lɛ ɔ ní kpakpahi nɛ pe enɛ ɔmɛ lo?

Luka 11:12

Aloo ke e bi lɛ hlui, nɛ e ma ha lɛ nyingmogblakoto?

Luka 11:2

Yesu de mɛ ke, “Ke nyɛ ngɛ sɔlee ɔ, nyɛ de ke, ‘Wa Tsɛ, O biɛ ɔ he nɛ tsɔ; O matsɛ yemi ɔ nɛ ba.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Romabi 5:17

Ejakaa ke yayami nɛ nɔ kake pee ɔ, ha gbenɔ kpata nihi babauu a hɛ mi ɔ, lɛɛ nihi tsuo nɛ a nine su Mawu dloomi ɔ nɔ, nɛ Mawu gu nɔke nɔ́ ɔ nɔ bu mɛ nihi nɛ da a, Kristo ma ha a na neneene wami hluu tsɔ.

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.