Luka 10:9 - BAIBLO ALOO NGMAMI KLƆUKLƆU Ɔ

⁹ Nyɛ tsa hiɔtsɛmɛ nɛ ngɛ ma a mi, nɛ nyɛ de ni ɔmɛ tsuo ke, ‘Mawu matsɛ yemi ɔ na nyɛ ta.’

Somi He Ɔ

⁹ Nɛ nyɛ tsa hiɔtsɛmɛ nɛ ngɛ mi ɔ, nɛ nyɛ de mɛ ke: ‘Mawu matsɛ yemi ɔ na nyɛ.

Luka 10:9 ပူးပေါင်းရင်းမြစ်များ

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 4:17

Kɛ je jamɛ a be ɔ mi ɔ, Yesu bɔni fiɛmi ke, “Nyɛ tsake nyɛ tsui, ejakaa hiɔwe matsɛ yemi ɔ su si ta.”

Marko 4:30

Yesu bi mɛ ke, “Mɛni he wa maa ngɔ Mawu matsɛ yemi ɔ kɛ to? Aloo mɛni abɛ wa maa bu kɛ tsɔɔ nya?

Marko 6:13

A hia mumi yayamihi babauu, nɛ a pɔ hiɔtsɛmɛ babauu nu, nɛ a tsa mɛ.

Luka 10:10

Se ma tsuaa ma nɛ nyɛ maa ya mi, nɛ a he we nyɛ atuu ɔ, nyɛɛ ya gbɛjegbɛ ɔmɛ a nɔ nɛ nyɛ ya de ke,

Luka 10:11

‘Nyɛ ma nɛ ɔ mi bunyuku tete nɛ ngɛ wa nane he ɔ, wa ngɛ blɛe kɛ ngɛ nyɛ nɔ puee. Se kɛ̃ ɔ, nyɛ na nɛ nyɛɛ le kaa Mawu matsɛ yemi ɔ na nyɛ ta!’

Luka 9:2

Kɛkɛ nɛ e tsɔ mɛ ke a ho nɛ a ya fiɛ Mawu matsɛ yemi ɔ he munyu ɔ, nɛ a tsa hiɔtsɛmɛ.

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 3:5

Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.

Ni Tsumi 28:28

Nyagbe ɔ, Paulo de Yuda bi ɔmɛ ke, “Nyɛ na na nyɛɛ le kaa Mawu ngɔ yi wami hemi munyu ɔ ya ha ma je li ɔmɛ. Mɛɛ lɛɛ a maa bu tue!” [

Ni Tsumi 28:31

E fiɛɛ Mawu matsɛ yemi ɔ he sane, nɛ e tsɔɔ mɛ Nyɔmtsɛ Yesu Kristo he sane. E tu munyu kɛ kã nɛ gbeye yemi ko be e mi; nɛ nɔ ko nɔ ko hu tsi we lɛ blɔ.