Luka 10:40 - BAIBLO ALOO NGMAMI KLƆUKLƆU Ɔ

⁴⁰ Marta hao e he kɛ ní tsumi fuu. Lɔ ɔ he ɔ, e ba Yesu ngɔ nɛ e ba de lɛ ke, “Nyɔmtsɛ, nɛ ye nyɛmi ɔ si ní tsumi ɔ tsuo ngɔ fɔ imi nɔ kake too ye nɔ nɛ i ngɛ tsue ɔ, anɛ e hɛwi mo lo? Lɛɛ de lɛ nɛ e ba piɛ ye he.”

Somi He Ɔ

⁴⁰ Se Marta hao e he fuu tsɔ ngɛ sɔmɔmi babauu he, nɛ e ba Yesu ngɔ ba de ke: “Mawetsɛ, o nɛ́ kaa mami ɔ si mi nɛ ye nɔ kake i ngɛ sɔmɔe nɛ ɔ? Lɔ ɔ he ɔ de lɛ nɛ lɛ hu e ba piɛ ye he.”

Luka 10:40 ပူးပေါင်းရင်းမြစ်များ

Mateo 14:15

Benɛ je jɔ ɔ, Yesu kaseli ɔmɛ ba e ngɔ, nɛ a ba de lɛ ke, “ngapa ji hiɛ ɔ, nɛ du bu. Wó ni ɔmɛ blɔ kɛ ho kɔpe ɔmɛ a mi ya, nɛ a ya he ní nɛ a ye.”

Mateo 16:22

Petro tsɛ lɛ kɛ ya se, nɛ e bɔni e hɛ mi kami ke, “Nyɔmtsɛ, enɛ ɔ ya je ngɛ se lokoo! Mawu ko ha nɛ nɔ́ nɛ ɔ nɛ ba o nɔ kɔkɔɔkɔ!”

Marko 3:21

Benɛ e weku li nu he ɔ, a ho konɛ a ya nu lɛ, ejakaa nihi ngɛ dee ke, “E yi mi ngɛ puɛe!”

Luka 10:38

Benɛ Yesu kɛ e kaseli ɔmɛ yaa ngɛ blɔ ɔ nɔ ɔ, Yesu ba su kɔpe ko mi, nɛ yo ko nɛ a tsɛɛ lɛ Marta a ngɔ lɛ kɛ ya e we mi.

Luka 10:41

Se Yesu de lɛ ke, “Marta, O pee siɛii, nɛ o ngɛ o he haoe ngɛ níhi fuu a he,

Luka 12:29

“Lɔ ɔ he ɔ, nyɛ ko hao nyɛ he kulaa; nyɛ ko di nɔ́ nɛ nyɛ maa ye, loo nɔ́ nɛ nyɛ maa nu se tsɔ.

Luka 9:55

Se Yesu plɛ e he, nɛ e ka a hɛ mi.

Yohane 11:1

Nyumu ko hi Betania, Maria kɛ Marta a ma a mi. Nyumu nɛ ɔ, a tsɛɛ lɛ Lazaro. Be ko ɔ, Lazaro ba nu hiɔ.

Yohane 11:5

Yesu suɔ Marta kɛ e nyɛmiyo ɔ, kɛ Lazaro saminya.

Yohane 12:2

A pee niye ní ha Yesu, nɛ Marta sɔmɔ lɛ. Lazaro piɛ nihi nɛ a kɛ Yesu ye ní ɔ a he.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”