Luka 10:39 - BAIBLO ALOO NGMAMI KLƆUKLƆU Ɔ

³⁹ Marta ngɛ nyɛmiyo ko nɛ a tsɛɛ lɛ Maria. Maria ba hi si ngɛ Nyɔmtsɛ ɔ nane nya, nɛ e ngɛ nɔ́ nɛ e ngɛ dee ɔ tue bue.

Somi He Ɔ

³⁹ Marta ngɛ nyɛmi yo ko nɛ a tsɛɛ lɛ Maria, nɛ lɛ hu e ba hi si ngɛ Yesu nane nya nɛ e bu e munyu ɔ tue.

Luka 10:39 ပူးပေါင်းရင်းမြစ်များ

Matsɛmɛ II, 4:38

Benɛ Elisha kpale e se kɛ ba Gilgal ɔ, jamɛ a be ɔ mi ɔ, hwɔ ba zugba a nɔ. Ligbi ko, benɛ gbali a kuu ɔ hii si ngɛ e hɛ mi nɛ e ngɛ mɛ ní tsɔɔe ɔ, e de e tsɔlɔ ɔ ke, “Ngɔɔ pɔ buɛ agbo ɔ kɛ ma la nɔ, nɛ o pee ní ha gbali a kuu ɔ nɛ a ye.”

Abɛ Womi 8:34

Nɔ nɛ buɔ mi tue, nɛ e hii si ngɛ ye sinya nya daa ligbi, nɛ e hii mlɛe ngɛ ye agbo nya a, e naa bua jɔmi.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Luka 2:46

Ligbi etɛne ɔ, a ya na lɛ ngɛ sɔlemi we ɔ nɛ e hii si ngɛ mlaa tsɔɔli ɔmɛ a kpɛti; e ngɛ mɛ tue bue, nɛ e ngɛ mɛ ní bie.

Luka 8:35

nɛ nihi je kpo kɛ ba, konɛ a ba hyɛ. Benɛ a ba su Yesu ngɔ ɔ, a na nyumu ɔ nɛ mumi yayami ɔmɛ je e mi ɔ nɛ e hii si ngɛ Yesu nane nya. E wo tade, nɛ e hɛ mi tsɔ lɛ. Nɛ mɛ tsuo a ye gbeye.

Yohane 11:1

Nyumu ko hi Betania, Maria kɛ Marta a ma a mi. Nyumu nɛ ɔ, a tsɛɛ lɛ Lazaro. Be ko ɔ, Lazaro ba nu hiɔ.

Yohane 11:19

lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Yohane 12:3

Kɛkɛ nɛ Maria ngɔ nardo nu ngmingmiingmi nɛ he jua wa saminya lita fa, nɛ e kɛ ba pɔ Yesu nane, nɛ e kɛ e yi bwɔmi tsu e nane ɔmɛ a he. Nu ɔ he via a kpe we ɔ mi tsuo;

Ni Tsumi 22:3

“Yuda no ji mi; nɛ a fɔ mi ngɛ Tarso ngɛ Kilikia mohu, se Yerusalem hiɛmɛ nɛ ɔ nɛ a lɛ mi ngɛ. Gamaliel lɛ tsɔɔ mi ní. A tsɔse mi bɔ nɛ sa ngɛ wa nɛmɛ ɔmɛ a mlaa a nya. I kplɛɛ we nɔ́ ngɛ Mawu he kaa bɔ nɛ nyɛ tsuo nyɛ ngɛ pee mwɔnɛ nɛ ɔ.

Mose V, 33:3

Yawɛ suɔ e ma a; nihi nɛ ji e ni klɔuklɔu ɔmɛ ɔ, e baa a yi. Lɔ ɔ he ɔ, wa kplaa si ngɛ e nane nya; wa jaa lɛ, nɛ wa yeɔ e mlaa amɛ a nɔ.